2008-08-27

中國地產代理拍烏蠅

8月26日，周二。恆生指數跌48.13，收21056.66；成交479.57億元。8月期指跌104點，收21086點；9月期指跌102點，收21015點。

中國聯通（762）跌7.1％，收13.12元，今年內或跌27％，瑞信及麥格里降公司評級；網通（906）跌5.2％，收19.9元，里昂降公司評級。

奧運后效應倒果為因

花旗推介中石化（386），估計今年每股獲利40.9仙，減少37.2％，P/E十六點七倍，目標價11.28元；國壽（2628）估計今年每股獲利87.8仙，減少36％，P/E二十七點八倍，目標價30元；中國鐵建（1186）估計今年每股獲利36.2仙，升91.3％，P/E二十七點三倍，目標價15.05元；中通服（552）估計今年每股獲利28.6仙，升33.3％，P/E十七點五倍，目標價7.4元；建行（939）估計今年每股獲利45.6仙，升50％，P/E十一點五倍，目標價6.6元；復星國際（656）估計今年每股獲利60.3仙，升80.7％，P/E六點三倍，目標價5.83元；合生（754）估計今年每股獲利1.36元，減少3.7％，P/E五倍，目標價18.84元；江蘇寧滬（177）估計今年每股獲利35仙，升8％，P/E十四點九倍，目標價7元；建滔化工（148）估計今年每股獲利4元，升24％，P/E八點二倍，目標價50.7元；建滔積層板（1888）估計今年每股獲利66仙，升8.9％，P/E六點七倍，目標價6.3元；金界控股（3918）估計今年每股獲利2.8美仙，升16％，P/E八點二倍，目標價2.7元；創科實業（669）估計今年每股獲利25仙，升232％，P/E二十八點五倍，目標價7.8元；兗州煤業（1171）估計今年每股獲利1.655元，升132.3％，P/E六點五倍，目標價17.1元。

滬深三百指數下跌2.88％，收2331.53，出現連續第四天下跌。海通証券跌7.8％，市場擔心成交額下降導致收入減少；中信証券跌4.3％、國金証券跌8.6％及宏源証券下挫5％；國航重挫7.9％、南方航空重挫7.2％及東方航空大跌8.8％，因人民幣貶值；寶鋼下挫5.8％、武鋼大挫7.5％及馬鋼下跌6.1％。滬深三百指數今年已大挫56％，跌幅系彭博報道全球八十九個主要股市中最大。

中國証監會宣布考慮發行可換股債券交換大小非流通股，去減輕超過十萬億元人民幣嘅大小非流通股流入市場壓力。喺2010年前約有八十七萬億元人民幣大小非流通股變成全流通。家嚇滬深A股市場全流通股總市值不過二十二萬九千億元人民幣，擔心市場無法消化新增嗰八十七萬億元人民幣市值股票；透過轉為可換股債券可令股票有秩序咁流入市場。

7月份美國Single-Family住房供應量系十點六個月，較6月份十一個月減少。如果連同Condos系十一點二個月（6月份系十一點一個月）；估計存量最高峰系明年首季。瑞信分析員認為Case-Shiller房屋價格指數必需再跌14％，美國樓價先跌到一般人可負擔嘅水平（雖然去年5月至今已跌咗15.8％）。如供樓利率由6.32厘降至5.5厘，未來樓價跌幅約7％；反之，如樓按利率見7.5厘，未來樓價可再跌24％，如再跌24％不但次按出事，連銀行樓按都會出事。

46％美國經濟學家認為金融危機系美國經濟最大威脅（3月份系52％）、16％認為高油價（較3月份11％大升）及15％認為通脹率（3月份10％）。

英倫銀行將減息0.25厘，至4.75厘，因為今年第二季GDP增長率系零，估計今年GDP增長率只得1.4%，系1992年嚟最低。

日本Asahi Homes再跌24％，見44日圓，創五年新低，已好接近牛市起步價（2003年3月20日）。因持有85.25％Asahi Homes嘅大股東Sebon Corp申請破產，但唔會影響Asahi Homes財政。

去年瑞銀減少二千六百名員工，占總員工人數12％。今年第二季止又再減少一千七百名員工，至一萬九千四百七十五人，好接近一萬九千人嘅目標。由于49％薪酬系以花紅方式發放，估計今年人工開支較去年慳番三分一及下半年完成重組。

北京奧運圓滿結束。大家喺度講緊奧運后效應可以話系完全倒果為因；2001年點解北京成功申辦奧運？理由系1978年開放改革政策落實，國力日漸興盛；而唔系因為舉辦奧運而令中國國力上升。換言之，系中國國力支持一個成功奧運，而唔系奧運支持中國國力。因此既冇奧運前效應，亦應該冇奧運后效應。例如1984年起所有舉辦奧運嘅國家，喺奧運后冇經濟衰退，理由系全球經濟向上。去年美國次按危機襲擊全球，北京雖有奧運護體，滬深三百指數亦喺去年10月至今仲系回落。

三種因素決定股價

中國國務院發展研究中心宏觀經濟研究部研究員張立群分析，北京GDP占全國唔足4%，把几個協辦城市經濟總量加埋，份額仲系好少，對全國GDP影響好有限。

中國今年上半年GDP增速10.4%，較去年同期回落1.8個百分點，理由系世界經濟去年下半年開始下行及中國宏觀政策漸收效果，同奧運無關。

國家發改委宏觀經濟研究院研究員王小廣認為，世界經濟減速、外貿形勢嚴峻、內部政策調整及自然災害等，都系令經濟出現困難嘅原因。受到資源及環境約束，中國經濟無法長期高速擴張，過去三十年中國依賴廉價勞動力及資源大量投入令經濟迅速崛起，總體系成功嘅，但可唔可以長此落去？家嚇出現減速唔一定系壞事，反而可睇成系一個機會，畀中國依靠自主創新及擴大內需，通過產業升級建立資本及技朮密集型產業競爭力。只需GDP保持喺9%增長，產業就出唔到大問題，經濟調整只系短期陣痛，下半年物價壓力將減少。

奧運之后，宏觀調整政策唔會出現重大改變，至于微調早已開始，例如紡織行業出口退稅提高、銀行貸款額增加及汽車消費稅調整；至于大調整依家冇必要，尤其系地產調整政策唔可以放松，因中國經濟唔可以再依賴房地產嘅炒賣，呢種方式對金融、消費、產業升級及資金有效配置都系一種妨害。

中國經濟進入下行系宏觀調控嘅結果，亦系政府成功阻止泡沫化經濟進一步擴大，刻意畀GDP增長率放緩。除咗股市所受影響較大（嚟自大小非）外，其它方面影響唔算大。從另一角度睇反而系國家兩防政策（防通脹、防經濟過熱）嘅成功。

依家問題系點樣減慢中小企業下滑速度而唔影響就業。其次系防止能源及原材料價格再一次向上。去年10月不肯減持股票嘅投資者家嚇又怪得邊個（牛市三期平均P/E二十二倍以上，滬深A股P/E炒到四十六倍仍唔沽貨，家嚇可怨邊個?!）？小心熊市三期平均P/E十二倍或以下嚟臨。A股遲早由供求因素決定股價，進入評估企業業績期，只有完成上述過渡期，A股先至可以正常發展。

未來三大因素決定股價：一、企業業績最基本；二、貨幣供應周期，即銀根緊或寬松；三、短期升降先系人心趨向。到依家都未見人行放寬銀根或減息，理論上股市只有繼續尋底。

去年11月中天置業被爆出賬面蝕咗1.7億元人民幣，向深圳樓市投下一個重磅炸彈。今年1月創輝中介地產公司執咗廣州三百几間店鋪，二手樓成交慘淡局面由深圳開始，然后擴散到廣東省大城市；跟住系北京及上海等城市內一D中小型中介行相繼執笠。

半年內20單生意都冇

深圳房地產研究中心發布〈關于當前中國樓市形勢分析報告〉。今年1至7月該市開發投資較去年同期減少3.63％；商品房空置面積升29.08％；新建商品房銷售中住宅面積賣咗一百七十九萬九千八百方米，較去年同期減少53.17％；該市商品住宅平均售價每平方米13276.58元人民幣，較去年同期升5.75％。今年6及7月房價每方米11159元人民幣及12387元人民幣；二手房交易規模面積二百萬一千二百方米，下降69％；住房不良貸款17.35億元人民幣，該市戶籍人口住房自有率75.6％。

中原地產住宅部副總經理張建也認為，家嚇廣州市部分中介公司有唔少地鋪7月份出現零成交，中原地產已算唔錯，上半年平均一個月成交仲有十几單，但7月份就好吃力，因成交量仲喺度跌緊。

滿堂紅廣州喺今年上半年成交量較去年同期跌咗35％左右，集團已改變策略，由專攻二手樓改為同開發商合作，向客戶提供一手樓房源（類似1997至2003年本港地產代理商做法）。

北京多間大型房產中介機構7月份二手樓成交較去年同期下跌近六成，跌幅好大。以中大恆基為例，去年五百几間分店，依家已減至三百二十二間，今年上半年有一半以上嘅二手樓交易由中大恆基等三大中介機構完成，即系話其它中介機構每間上半年做唔到二十單嘅生意。

上海中介機構近半執笠，其中澳洲資本嘅Ray White Real Estate Co（澳洲最大中介公司）喺去年5月進入上海，計划最少開一百間品牌店。家嚇已減少到只有四至五間作為日后「后路」之用。根據官方數字，兩年前上海二手房中介門店約一萬六千間，依家已減少至七千間，跌幅達一半以上。

內地樓市后市點睇，木宰羊，但內地中介公司已步入寒冬。

中國工業及信息化部產業政策司副司長侯世國喺8月26日表示，中國經濟宏觀調控已改為「有保有壓」；引導資金向「三農」、結構調整、節能減排、自主創新及社會事業等五個重點領域傾斜，同時壓制「兩高」行業生產能力盲目擴張、促進市場經濟機制發展、糾正市場機制缺陷和不足，促進產業結構優化，形成以農業為基礎，高科技朮產業為先導，基礎產業和制造業為支撐，服務業全面發展格局；產業政策唔系替代市場而系規范市場經濟秩序，糾正和彌補市場嘅缺陷。

几時有得加電費？

改革開放以嚟中國經濟雖然高增長，但產業結構唔合理令資源消耗多、環境污染重及素質唔高嘅產業不斷取得新進展，依家國家政策就系糾正上述缺陷。家嚇停產關閉企業中，好大部分系生產水平低下、資源消耗高、排放污染重及職工保障條件唔完善嘅企業，由于佢地難以承受高標准社會公益規范而被市場淘汰。

有一定生產水平及較好發展基礎嘅中小企業，由于原材料價格上升及市場放緩影響只屬暫時，喺政府加大對中小企業財稅扶持、信貸金融支持及減輕企業負擔政策落實后，可以好快渡過難關。

電力企業限產及其它企業限電，加上今夏高溫，長三角地區又再次出現電荒。呢次唔系裝機容量不足，而系煤電價格唔聯動，形成咗電廠多勞少得。電力生產愈多，虧損反而愈大，因此索性限產。2003及04年每噸煤價300至400元人民幣，加埋政府補貼一度電獲利15分左右，家嚇煤價每噸超過1100元人民幣，每度電蝕17分甚至更多，點解要增產？

2005年發電設備累計平均利用小時為五千四百一十一小時，較2004年減少四十四小時；2006年又減少二百零三小時；去年再減少一百八十四小時。主要原因系「市場煤、計划電」。生產電愈多、虧蝕愈大。長三角地區電廠亦「按章工作」，部分更出現資金周轉困難、存煤不足及煤質差，影響機組發電能力。几時再批准加電費？