2007-10-30

溢出效應　　　　

10月29日，周一。恒生指數升1181.68，收31586.9；成交1776.28多億元。10月期指高水，升1382點，收31772點。　　

今天長實（001）升8.9％，報158.5元；和黃（013）升8.43%，報98.4元；新地（016）升4.1%，報159.9元，郭氏家族以每股150.2至153.5元出售七千二百五十萬股新地，套現111.3億元；太古A（019）升13.5%，收115元；控（005）升2.9％，收 149.9元；恒生（011）升2.1%，收156.9元；中移動（941）升3%，收158.9元；建行（939）升6.4％，報8.27元；交通銀行（3328）升11％，報14.24元；中聯通（762）升8％，報18.38元。中國股市亦升2.1％，青島海爾升5％、兗煤升8.4％。升市莫估頂，讓利潤往前跑。

資產價格面對重新定價　　

展望未來，美國經濟增長率在放緩中，美元價則回落，金價、礦務股同能源股俱上升。貝南奇並唔係通脹戰士，面對美國經濟增長率放緩，自然採取寬鬆貨幣政策；貨幣供應增加，則令滯脹環境形成。次按問題仍然存在，令金融機構貸款方面傾向保守，銀行唔再積極爭取貸款，改為努力經營財富管理，透過資產升值去賺取利潤，形成新一輪全球資產升值潮。同2001至03年次減息潮唔同，當年利率降至1厘形成負利率（低於CPI增長率），引發全球信貸膨脹。呢次減息（假設周三減四分一厘）後仍係正利率（利率高於CPI增長率）；加上資產價格依家已高價，只係另一次資產價格repricing（重新定價）相信並唔長久！工業產品面對生產過剩，廠商無法將生產成本上升完全轉嫁畀消費者，成為原材料價格、工資成本及人民幣齊齊上升下受害者。美國CDO無法履行合約者上升，形成次按危機；反之，三A級債券卻唔受影響。市值接近2.5萬億美元CDO市場，對全球47.5萬億美元GDP影響係點？木宰羊。保守做法係避開同次按危機有關投資便可。如美國經濟陷入衰退，原材料股亦受影響。如美國經濟只陷入低增長期，來自新興市場需求可令原材料價格保持高企而唔受美國經濟放緩影響，家情況就係咁。

H股上升速度減慢　　

本港地產過去升幅以豪宅為主。恒生指數由8月17日19000多點升到近期31000多點，升幅60％以上，部分投資者9月開始棄股從樓，令D八百呎到一千二百呎中價樓突然湧現大量買樓客，過去六個星期中價樓價急速上升。呢六個星期中價樓上升速度大於豪宅，一如近月二線股股價升幅大於大藍籌情況一樣。上周四開始H股股價上升速度減慢，本港藍籌股上升速度加快，意味資金已H股身上獲利回吐，轉投本港藍籌股及二線股，此乃典型Spilt-over （溢出效應）。內地資金最先流向H股，H股股價大升，令持有H股本地投資者或外資沽出H股，將資金投入本地藍籌股，部分炒家更炒起二線股去吸收溢出資金，形成本港股份升幅大於H股同紅籌股。　　

中國證監會主席尚福林暗示，內地股指期貨推出時間表將係短期事，唔少人估係12月份。股指期貨交易後，可擴大股市上漲及下跌幅度，但不能決定股票市場方向。一旦內地股指期貨推出後，對嚴重高估A股市場影響係點？大家不妨靜觀其變。　　

過去十七年（1990至2006年），11月買貨、1月沽貨者贏面高達82％，少數輸錢年份只有1992、94及97年。2007年10月恒指創新高客觀條件下，未來11月至1月股市表現係點？今年1月時全球基金主張增持中國股票、港股、南韓及台灣股票；今年10月大部分基金主張減持或等候最後升市完成後減持。港股轉捩點係8月20日中央政府公布允許內地居民投資港股，雖然此計劃尚未啟動，國企指數至今升幅已超過70％、紅籌股指數升幅達 80％，恒生指數升幅亦超過60％。以往較為成熟港股迅速蛻變及A股化。過去H股O同國際同類股票O水平接軌，而視A股O為唔合理；自從中央政府公布港股直通車計劃後，一直被視為唔合理A股O卻成為評估本港H股及紅籌股標準。依家A股O四十八倍，H股九個星期內狂升後，仍然唔及A股貴。　　

A股同H股最大唔同之處係，H股佔上市公司發行總股數25％或以上，而A股如工行、建行、國壽、中石化等市場流通量只佔總股數5％，情況同1980年代日本相似（因上市公司互控減少市場流通量）。國企股政府持股量一般70％左右，其中25％本港以H股方式上市，另5％以A股方式內地上市。由於流通量不足，一旦大量資金流入A股市場，供求關係會令A股股價狂升（而非公司純利）；加上資源價格暴升及金融市場上升提供暴利，就成為今天A股咁高O而股價仍可續升背後理由。　　

十屆全國人大常委會本月28日通過《城鄉規劃法》，2008年1月1日起施行，現行城市規劃法同時廢止。城市規劃法於1989年12月七屆全國人大常委會通過，1990年1月1日起實施，令中國城市人口由改革開放之初一億七千萬人到2006年五億七千七百萬人，城市化由改革開放初期佔總人口不足 18％增長到2006年44％；相對地，城市、鄉村1990年至今變化唔大（雖然部分鄉鎮變成城市），形成城鄉經濟以唔同速度發展。明年1月1日起城市規劃法被《城鄉規劃法》取代，即今後無論城市或鄉鎮都同一法律下受規管、監督、檢查及法律責任，再唔分鄉村或城市，相信有助鄉村市鎮等地方發展。

中共逐漸承認國大於黨　　

中共十七大之後，不但小胡集黨、政、軍權力於一身，同時新常委班子打破過去由工程師為主格局，新加入習近平係法學博士，李克強係經濟學博士。二十五個政治局委員中，文科出身有十二個，組織結構上可見到未來新領導班子方向係重法律、重經濟、重政治，同過去以工程師為核心班子重建設完全唔同。十七大之前，重要理論來自中共黨校，形成中央警察局、公安、國安等部門權力過大；依家上述部門都換班子，並由習近平掌控書記處，進一步加強上述部門執法精神；財經班子則由李克強主管，令內地金融事業由上海朱時代技術官僚，轉向科班出身專業人士。十七大之後，財經班底將有調動，漸漸淡化中央黨校對政府影響力，即中國漸漸走上由全國代表大會成為最高權力機構（而非中央黨校），中央委員會透過國務院執行全國代表大會一切決定，成為最高執行機構。中國共產黨正式承認「國」大於「黨」，最高權力機構係全國代表大會而唔係中國共產黨；最高執行機構係國務院而非中國共產黨員。中國人民大學教授、國際共產主義運動家高放認為，中國共產黨權力結構上唔合理，係造成過去種種錯失理由。佢中共十三大時已提出有關意見，但不被接受，終於十七大上睇到中國共產黨出現一連串改革，包括代表採用年會制及常任制，重大問題同人事安排上要實行毫@@翵謘A把民主制度引入中國共產黨。改革開放落實近三十年，終於政治制度上亦開始落實改革開放思想，而唔係單單在經濟制度方面。過去中國政府改革開放上先經濟後政治，係聰明抉擇；中國共產黨將實行民主制度，同西方國家普遍採用精英主義及多元政黨改制唔同。值得思考問題係：西方國家所推行精英主義及多元政黨政制，係咪符合中國國情？事實上，西方式精英主義及多元政黨政治，唔少國家一樣碰到一鼻子灰。　　

佛教雖然源於印度，傳入中國後變成有中國特色佛教，進一步將佛教發揚光大。又例如美國，建制雖然源自英國，但又唔同於英國，有美國特色民主制度。中國正嘗試走自己路，我地一樣唔應該以西方民主制度去睇中國政制發展。　　

一個日本人，今年56歲年薪12.5萬美元，係高薪人士，正面對退休煩惱（因公司要求佢退休）；而佢無法退休理由係十七年前動用相等於100萬美元貸款買入自住物業（當年可分一百年供款），呢個住宅依家市值僅40萬美元；佢今天仲係負資產。由於佢有份工做，可以繼續享受中產階級生活，一旦退休便一無所有。　　

另一個上海女孩，單身，與父母同住，年薪2萬美元（上海算高薪人士），呢幾年買上海A股賺10萬美元，正雄心勃勃計劃買間市值30萬美元住宅，明年同佢男朋友結婚。　　

雖然日本人年收入五倍於上海妹，但佢好唔開心，並感到前路茫茫；反而個上海妹卻朝氣勃勃，對前景充滿希望。　　

1989年全世界都為日本鼓掌，並認為中國六四事件後冇希望，十八年後回望，結果卻相反，上述故事對大家唔知有冇啟發性？今天要介紹美國青年，佢剛剛大學畢業，年薪1.4萬美元，最近獲貸款72萬美元去買樓……。美國分析員今年一再指中國股市出現泡沫經濟。各位諗，上海女孩雖然年薪2萬美元，但一年開支只需5000美元，佢買樓（30萬美元）首期只係畀10萬美元，以佢地（連丈夫）未來收入計，完全可負擔20萬美元貸款；反之，美國青年年薪1.4 萬美元但冇儲蓄，今天卻可以借到72萬美元去買樓。究竟邊個國家經濟存在泡沫?! 新加坡人均收入超港有因　　

1975至95年前，香港人均收入增長率同新加坡接近，其後漸漸拉闊。據《經濟學人》資料，2006年新加坡人均收入24840美元、香港22960 美元。新加坡人均收入較港人高出8.2％，點解十年前人均收入低於香港新加坡可以反超前？呢點同兩地人口政策唔同有關。新加坡一如倫敦，只歡迎全球高收入、高學歷人士移民新加坡，人口中約三分一係來自各國移居，俱屬高學歷、高收入一族，自然令新加坡人均收入上升，佢地消費亦令一般新加坡人薪金可保持年率9％速度上升，香港「二八現象」並冇新加坡出現。反觀香港1997年後，外國人港數目就算未見減少，起碼亦冇上升（外籍華人唔計），每年來自中國三萬六千多人口，大部分係低收入、低學歷者，結果扯低本港人均收入（低收入人口大增，令低收入職位薪金無法提升）。新加坡計劃未來五十年人口由四百七十萬增加到六百五十萬，並向印度及中國招手，但移民必須係高學歷及高收入群；香港則繼續每天吸納一百五十個內地人配額（大部分係本港低收入者，到內地結婚後申請來港人士），形成香港低收入、低學歷者佔壓倒性優勢，香港經濟自然漸漸走向「二元社會」（即20％高收入階級及80％中低收入階級）。