10/23/2007

賺指數唔賺錢 　　

10月22日，周一。恒生指數跌1091.42，收28373.63；成交1626.17億元。10月期指低水，跌1123點，收28181點。由於恒指同RSI背馳【圖】，後市展望並唔樂觀。　　

今天長江實業（001）跌5.4%，收125.3元；和黃（013）跌2.4%，收83.3元；新地（016）跌4.1%，收128.9元；太古A（019）跌3.14%，報97.05元。控（005）回落3.4％，見145.5元，係2003年10月以來最大跌幅，UBS將其評級下調。利豐（494）跌5.1％，見30.75元；裕元（551）跌3.4％，見22.85元。中行（3988）跌6.3％，見4.44元；建行（939）跌3.4％，見7.05元；工商銀行（1398）跌4.3％，見6.51元。中國第三季GDP增長率11.5％，估計第四季GDP增長率下降。國壽（2628）跌3％，見49.75元，BNP將評級由「買入」降為「持有」。　　

中移動（941）宣布首九個月獲利599億元人民幣，較去年同期升30％。中國電信（728）宣布首九個月獲利173億元人民幣，較去年同期升1.8％。中移動跌3.86%，見142.2元。

美元年底料見109日圓　　

香港9月份CPI升幅只有1.6％，較分析員估計1.8％為低，主要升幅來自食品價格（內地9月份CPI升6.2％）。政府宣布取消4月至9月差餉，係9月份CPI升幅唔大理由。　　

港元升至7.7505兌1美元，接近港府規定上限7.75，如再上升，金管局必須入市買美元放港元，去阻止港元上升。依家港元兌美元係2003年11月以來最高（並非港元強，實乃美元弱）。　　

高盛推介ASM太平洋（522）。花旗推介長江基建（1038），目標價31.5元，並建議出售港交所（388）。　　

日圓升至六星期內高位，見113.26兌1美元，係9月10日以來最高，引發日經平均指數急跌2.24％；估計年底將見109日圓兌1美元，因美元同日本債券利差收益只有2.965厘，係2004年12月以來最窄。　　

格蛇認為外資（指美國以外）對美元債券唔感興趣，令8月份外資淨沽售693億美元股票及債券；今年美元兌歐羅下跌8％、兌日圓下跌4％。至於由多間銀行組成SIV挽救計劃，只會將次按危機延長而非解決。長痛不如短痛，格蛇認為應一次過爽爽快快清清楚楚將次按中呆壞賬撥備，減息不能解決上述問題，反而會令美國CPI上升，最終影響債券價格。　　

滬深三百指數今天亦跌2.5％。馬鋼跌6.9％、寶鋼跌5.1％、武鋼跌5.1％，因9月份鋼鐵出口出現第四個月下滑。上海期銅跌2％，令江銅跌8.5％、銅陵有色跌10％、雲南銅業下跌6.5％。

二八現象在股市出現　　

近兩個月國企指數及恒生指數有如劉翔跨欄競走，真係過完一關又一關，恒指由19000點升至最高見30000點，但唔係所有股份皆上升。香港社會「二八現象」（1997年7月至今20％香港家庭收入大幅上升，但80％香港家庭收入唔係原地踏步便係倒退）亦股市出現。投資者面對賺指數唔賺錢環境，過去兩個多月升幅集中佔股市20％中字派股份身上，主因係8月20日中央表示開放內地個人資金自由行。雖然港股直通車仲未開出，恒指已由20000點升上30000點，上升50％，出現所謂港股A股化。家A股總市值佔全球股市總市值3.5％左右，如果內地投資市場完全開放，最終結果係A股起香港H股抑或係H股拖低A股？換言之，港股A股化令港股九星期內上升50％，只係短期現象，最終應該係A股同國際股市接軌。截至9月底止，內地共三十六家公司獲QDII資格，其中二十二家係銀行共獲161億美元、七家基金獲125億美元、三家保險公司，另外證券商同信託公司各兩家，加起來資金共300多億美元（約2700億港元）。上述資金真係能夠令恒生指數上升50％咩？中央宣布開放內地個人資金自由行，只係港股近月炒上藉口，真正炒起港股，係本港資金同外地資金。　　

依家內地A股歷史（即已公布純利計）O七十倍，理由係估計今年純利升幅十分大，高增長率支持高O。內地節能減排政策下，唔少行業發展受到制約（例如行業內中小企被關閉或吞併），如化工、建材、鋼鐵等。供給減少情況下，產品價格自然上升，令公司盈利能力處於上升通道，最終扯高原材料價格而將價差縮小，公司利潤又再回落，此乃行業循環周期。因為資源供應非常穩定，需求一旦上升便出現競價現象，競爭出價下，價格自然上升，企業利潤同時上升，刺激有色金屬、能源股價格上升。甚至運送呢D原材料到中國（例如遠至巴西）需求，亦刺激乾貨輪租金上升；再加上內地負利率環境（存款利率低於通脹率），推動資金流向地產市場及股票市場尋找出路；加上炒人民幣升值因素導致外地資金流入，便造成內地A股O高企現象。但A股純利上升主要係周期行業，受經濟盛衰循環所支配，一旦面對美國GDP增長率放緩，供不應求情況消失，立即可轉化為下降因素（例如1980至99年）。

過去A股升降對港股影響有限，自8月20日起港股A股化後，港股受A股股價刺激，令H股股價暴升，為投資H股外國投資者提供賺取暴利機會。

中國經濟開始軟陸　　

賺大錢需要環境，就係股價合理價（normal range）之外上下擺動，情況有如河流暴雨之後暴漲一樣澎湃，但堤壩面臨河水暴漲帶來威脅，一旦崩堤便成災。股市從來唔係平靜如鏡，佢有細水長流日子，亦有山洪暴發驚險場面。計算何時突破阻力位而出現爆炸性上升（或回落），係從股市賺取暴利技巧。　　

全球股市下跌，將油價由90美元高位扯低，暫時壓抑擔心土耳其軍隊入侵伊拉克北部對油價影響，靜候OPEC開會結果係咪取消11月1日起減產行動。至今為止，油價今年上升45％（或上周升5.9％），後市係點？係咪從90美元見頂回落抑或調整後再升？將支配未來油股方向。　　

從宏觀調控睇，中國經濟今年10月開始進入軟陸期，因世界經濟展望轉弱，漸漸影響中國出口增長率（9月份中國出口增長放緩，已影響內地鋼鐵股）。而奧運效應仍支持內地樓價，隨出口增長率放緩，相信中國樓市見頂之期亦不遠。比較上仍可睇好只有內地消費行業，相信可一直維持高增長到2008年。資產再膨脹（Asset Reflation）乃兩邊利刀，上升時可令經濟進一步繁榮，回落時亦可加快經濟冷卻。中國為北京奧運過去所作大量基建投資，推動內地房地產、商業物業、零售商場、酒店、機場、飲食業及零售業興旺，此乃「奧運效應」。唔同國家表現亦唔同，過去平均數係主辦國奧運前三年股市皆上升，內地A股由2005年起計至2007年亦係第三年，至於能否一直維持到2008年？便要事後才知道。中國自2003年起到2007年已連續五年保持GDP 10％增長，今年固定資產投資佔GDP 42％，佔GDP增長推動力46％。一旦固定資產投資減慢，GDP增長率肯定放緩。　　

技術上睇，中國今年第四季開始GDP增長率進入放緩期，由雙位數走向單位數（美國GDP增長率每減少1％，可令中國出口增長率減少6.8％，以及令中國GDP增長率減少1.5％）。假設美國明年GDP增長率只有1.3％、歐洲1.7％、日本1.5％，中國GDP增長率將放緩到8.5％，結束過去五年中國GDP連續增長率達雙位數。　　

A股2005年至今升幅已超過400％，市值係賬面值六倍，即使以2007年估計純利計，O亦高達四十倍，總市值係2007年GDP 120％或以上，並佔中國人家庭財產25％；但中國GDP 37％同出口製造業有關。過去二十年中國經濟一直過分依賴出口，因此對外國GDP變化亦非常敏感。雖然去年起政府欲糾正上述情況，但國民消費至今仍只佔GDP 50％，即中國經濟無法單靠內部消費保持繁榮，中國經濟對外界依賴較日本為甚。面對泡沫經濟，中國人行已一再收緊銀根，例如將銀行存款保證金率一再提升至10月25日13％，可惜存款利率仍較CPI升幅低，並透過QDII去減少流入A股市場資金。今年提出稅制改革，估計可令2008年GDP增長率多0.5％。換言之，雖然A股已進入泡沫後期，同時政府已做好準備，因此即使爆破，相信亦只會軟陸，而非類似1990年日本，因為中國未來基建項目、服務業、內部消費仍有大幅上升空間，上述行業可抵銷部分因出口及製造業增長放緩帶來不利因素。　　

雖然至今距離奧運仲有一年，但投資策略宜保守。A股高潮如非在眼前，亦會不久將來。由奧運引發GDP增長高潮通常奧運舉辦前一年（即2007年第三季）。內地股市已連續三年大幅上升。北京GDP只佔全國GDP3.8％，人口只佔全國人口1.2％，如研究1964年日本奧運及1988年南韓奧運效應，恐怕內地A股高潮已眼前。1964年日本人GDP係2000至3000美元，1988年南韓人GDP亦達2000至3000美元，同依家中國人GDP十分接近（日本奧運GDP最高增長率係1963年，南韓1987年；中國2007年？當年日圓同美元係固定率，1988年南韓圜同美元價開始浮動，情況同今天人民幣極之相似）。如參考1964年日本奧運及1988年南韓奧運，再睇中國經濟，相信A股泡沫已漸入尾聲了。　　

去年中國勞動人口達七億六千四百萬，其中仍有一億七千萬就業不足，而且每年有三百萬到四百萬大學生畢業，透過重新遷移內地工廠到內陸，仍可搵到廉價勞動力。今天中國勞工成本已較印度高出一倍，過分依賴低勞動成本工業已開始外移到印度、越南、柬埔寨等低工資國家，令整個中國製造業面對重組。國企員工由1978年佔城市勞動人口80％到2006年降至20％，中國經濟結構漸漸同資本主義國家分別唔大。未來推動中國GDP上升力量來自城市化，相信數以千萬計農村人口由唔符合經濟效率農民作業移向符合現代工業及服務需要城市（或鄉鎮走向城市化），令中產階級大量湧現。家中國約一半人口住城市，去年中國城市化比率達45％，相信呢個趨勢仍可維持十五至二十年。中國大城市如上海、北京等人均收入已達5000美元到7000美元，估計到2015年可達2萬美元，到時城市化速度才會慢下來。