2007-09-19

美經濟不虞衰退　　

9月18日，周二。恒生指數跌22.49，收24576.85；成交805.03億多元。9月期指升111點，收24581點。恒隆地產（101）跌 2.5％；恒地（012）跌2.8％；新地（016）跌1.8％；中海油（883）則上升3.3％。豐與南豐集團組成7億美元私募基金投資內地房地產，豐同南豐各出資1億美元，用作未來八年購入內地資產。　　

恒生指數完成V形反彈（最高見24978.61，如扣除國企、紅籌股大升因素，大部分藍籌股未能超過7月份高點），理論上進入好淡爭持。G7經濟及企業純利升幅放緩，但內地經濟及企業純利升幅仲烚烚。明年如美國經濟出現軟陸（而非衰退），相信無損港股未來表現，因為恒指O可以接受水平，來自中國QDII及本港上市公司未來純利升幅，加上市場資金充裕，後市展望個別發展。

美樓價唔會大跌　　

格蛇周一修正自己言論，認為美國雖然面對房地產市場泡沫爆破，但唔會陷入衰退！上述係我老曹一直抱持態度，終於格蛇亦修正美國經濟有三分一機會出現衰退預測。日本1990年樓市泡沫爆破後，經濟陷入衰退；香港1997年8月樓市泡沫爆破後，經濟陷入衰退，點解我老曹一再認為美國樓市泡沫爆破，但經濟唔會陷入衰退？　　

第一個理由係美國樓價可見將來唔會大跌，估計跌幅只有15％至20％。其次係美國GDP中，物業所佔比重唔大。除上述外，1990年年中日本銀行將利率推高至6.5厘（當年日圓已開始升值），形成高實質利率；1997至98年金管局瘋狂挾息，亦係令樓價急跌部分原因；反之，美元利率只係略高於 CPI增長率，實質利率唔高，無法吸引資金從物業市場回流銀行體系，係第三個保證美國經濟唔會出現衰退理由。　　

投資策略仍然係尋找增長股（Bad markets, good stock picking）。中國忙於搞基建項目、忙於生產商品出口、忙於起樓，甚至忙於消費，即使美國經濟明年真係咁唔好彩出現衰退，亦唔會影響中國經濟。 1980年起經濟環球化，今天香港經濟亦已唔太依賴美國矣。　　

今年初唔少人擔心內地A股泡沫化而坐擁現金，八個多月過去，依家最坐立不安就係呢批人；反之，採取揀股唔炒市策略者，今年首八個月獲利唔少。1997 年亞洲金融風暴發生時，中國GDP仍相當細；十年後今天，中國GDP已名列全球第三大。中國今年8月份K上升22.8％，較L升幅18.1％更大，代表內地人繼續將蚊年投入股票市場，令9月份A股股價進一步上升。近日加息，對內地銀行股盈利有幫助。　　

1990至91年美國經濟出現軟陸（GDP一季負增長），香港不但唔受美國經濟放緩影響，反而因美國減息而令香港房地產價格大幅上升。近年美元弱勢，國際熱錢自2003年起來港搵出路，令香港樓市及股市升完可以再升。美元減息對本港經濟肯定有正面支持，D靠睇走勢者（chart-based timer）因錯過入市機會，而漸漸過分睇淡又或者太早睇淡（1973年1月我老曹亦曾犯太早睇淡毛病）。作為投資者，唔可能捕捉到所有入市機會，十次之中有七次中，成績已經不俗，股票市場唔可能做到完美。

人民幣利率須再上調兩次　　

今年A、H股價差結果，最終係A股股價扯高H股股價。QDII投資普及到個人之後，相信本港H股更受A股升降所牽引。2001年中國政府宣布內地人可投資B股，A股股價曾被B股拖低，上述情況會否A、H股市場重演則木宰羊。但講到尾，A股唔係H股，H股唔係A股，兩者價差應常存在。假設中國未來五年GDP保持8-10％速度增長，內地企業未來五年純利每年平均可上升20％，令家偏高O可逐步下調到合理水平；反之，美國GDP未來升幅只有2- 3％，反而無法支持美國大企業近年純利升幅。換言之，道指上升空間有限。　　

中國8月份CPI上升6.5％，估計9月或10月見7％，人民幣利率估計仍須上調兩次，第一次可能國慶前（10月1日），第二次可能十七大中共黨代表大會後（10月18日）。即使利率上調兩次，仍然係負利率（即存款利率仍低於CPI增長率），明年中國CPI才進入回落期。　　

外傳央行擬將第二套住房首付比例提升至四成，商業用房首付比例由四成提升至五成。為抑制房價過快上漲，去年6月1日起央行將個人住房按揭貸款首付比例由20％上調到30％，九十方米以下住房仍然保持20％。由於今年8月全國七十個大中城市房屋售價較去年同期上升8.2％，將第二套住房調高至首付比例佔樓價40％，亦係好合理做法，但至今仍冇時間表。　　

今年中國推行煤炭大集團化戰略。「十一．五」規劃任務係為資源同企業進行整合，形成六至八個億噸級同八至十個五千萬噸級大型煤炭集團。今年下半年繼續關停小煤礦二千幾處，淘汰中小煤礦落後產能，以及迎接高煤價時代來臨。估計今年中國煤炭全年產量25.7億噸，上升7.9％；但鋼鐵用煤上升12％、電力用煤上升10％、化工用煤上升5-7％、建材用煤上升7％，估計今年需求上升9-10％。今年首季中國由煤出口國轉化為煤入口國，今年6月1日起中國除再取消煉焦煤、焦炭、動力煤、無煙煤出口退稅外，更徵收5-15％出口關稅；反之，進口稅降至零。今年首季中國煤炭出口1141萬噸，較去年同期減少 31.9％；進口1430萬噸，上升60.7％；此中出現淨進口289噸，令煤炭價格今年6月反彈，至今仍有小幅上漲。中國今年下半年起進入高煤價期，加上煤變油項目2014年投產，進一步支持未來煤價。　　

中國製造業成本面對人民幣每年上升7％，加上通脹率平均每年上升3％，即中國製造業生產成本每年上升10％。上述情況導致出口價格上升（如貿易條件改善）及生產自動化（用機械代替人手）。2002年至今CRB商品指數翻一番，但中國產品出口價格僅輕微上升，即中國將生產成本轉嫁機會唔大，因為中國出口企業有如一盤散沙。反而外國進口商相對集中，形成出口商可選擇客戶有限，議價能力入口商手上，令中國製造業面對成本上升壓力好大，於是只有向更高附加值產業轉移，例如由製衣、紡織轉向電子產品。上述情況1970年代日本、香港出現，1980年南韓發生，依家中國重演。其次係向重工業發展，因重工業工人工資可以係輕工業兩倍，例如鋼材生產、造船業、汽車工業。家德國、日本甚至南韓重工業工人工資係中國工人工資七倍到二十倍，中國呢方面仍有成本優勢；反之，輕工業面對印尼、越南、印度等工資水平更低國家競爭，成本優勢漸失，所產生利潤漸漸終結。換言之，中國經濟正進入高附加值及重工業時代，開始「升級換代」期。　　

去年ZARA首先上海淮海路登陸，12月日本Uniqlo上海陸家嘴開幕，今年H&M、4月C&A以及近日美國GAP亦進入中國，漸漸改變來路貨國人心目中高貴地位。佢地發現洋貨中亦有售價合理、快速轉款、規模化及多樣化，符合中產階級消費時尚品牌。

新來路貨針對內地中產　　

雖然經過接近三十年改革開放政策，中國頂級富豪人數仍然唔多，估計只有一萬人左右，佢地都係企業擁有者或大明星。然後係一千五百萬高收入階層，佢地係大型企業CEO或高級職員，分布中國各地，較集中沿海大城市。佢地消費項目係過萬元一個手袋、幾十萬元一隻手表，唔係一般中產階級可負擔，只有羨慕（或偶然買一個手袋滿足一下虛榮）。再下一層就係近十年大量湧現中產階級，人數已接近一億，佢地係高級白領、律師、專業技術人員、工程師、小業主或中小企商戶擁有人。再下一層就係普通白領、職業工人或城市流動市民，人口大約有五、六億，收入一般在3000元左右。然後係城市內失業者或半失業者，以及留守農村農民，人口亦達五、六億，收入1500元一個月或以下。　　

過去來路貨主要針對中國一千五百萬富裕階層，雖然佢地消費力高，但人口唔多。去年起進入中國洋貨，針對中國中產階級為主，因為呢批人數目達一億，市場十分大。至於一般打工仔，消費仍以國貨為主。估計未來二十年中國一般打工仔收入亦一如香港，達月入萬元，即未來針對中產階級洋貨發展空間好大，係最值得睇好品牌。　　

以ZARA為例，最先出現時，LV品牌視為「怪物」。點可以一年之內推出二萬幾款服裝？從設計到市場只需十二天，提供服務係對潮流快速反應、便捷、走在時代尖端觸覺及創新設計，並以中價去推銷產品，再唔係價格甚至品質、服務競爭，而係快速反應。由於設計到市場只需十二天，因此永遠跟貼潮流，被《哈佛商業評論》喻為「21世紀最值得研究品牌」，亦係值得我地學習對象。