2007-09-10

貝南奇欠大將之風　　

9月9日，周日。總算做完一個籌備經月理財SHOW，好疲倦但好興奮；不過，今日港股與鄰近地區股市相信比我老曹更疲弱，事關上周五預期唔會太差美國就業數據較預期提早出現萎縮，導致道瓊斯工業平均指數收市報13113.38，跌近250點或1.9％；標普五百指數跌1.7％，收1453.55；納斯特綜合指數跌48.62，收報2565.7，令市場憂慮美國經濟放緩步伐加快。上周我老曹亦指出真正受次按等問題影響就業數字尚未反映，好似雷曼兄弟及第九大銀行National City已進一步再裁員近3000人，其他金融機構亦將有裁員行動，符合大部分美國企業調整架構效率高企業文化。

近兩月大調整機會高　　

港股上周受惠於恒指成分股調整組合比重，但感覺上短期似乎已隱約見頂，家海外金融市場受經濟放緩及次按問題困擾，大批銀行及基金陸續公布第三季業績前，信貸緊縮更趨明顯，海外資金實際上已紛紛流向亞洲區避難，只係日圓轉強，令利差交易拆倉疑慮再起。其實，連美國信貸評級公司亦對審查次按債券不力，正受美國SEC調查，都唔知仲有幾多CDO後遺症會浮現，好彩基金贖回潮尚未大規模出現。不過如果全球股市呢幾個月繼續大幅波動，羊群心態可能令每逢9、 10月會出現較大調整機會提高。　　

恒生指數24000點高位徘徊，可算係受惠於內地要加息為A股與經濟過熱而降溫，不過內地資金自由行遲遲未開行，如果外圍有利差交易拆倉活動，流通性高港股短期肯定有較大套現壓力。由於市場估計美息有望下降，令美元偏弱，加上唔少A╱H股注資重組等利好股票及資產因素，港股繼續處於大漲小回炒上落格局，喜歡玩過山車短線客不妨等調整吸納，但好似我老曹呢類較穩健一派，都係岸上坐定定好D。　　

外基金上周藉恒指成分股比重進行調校期間，一下子斥資24.4億元以平均價每股155.4元增持港交所（388）1.47％股權，連同原先持有 4.41％，已增至5.88％。呢種不尋常舉動，被市場視為中港交易所日後併合將會齊齊玩，可以消減中央日後加重送禮予港股疑慮。由於鬍鬚曾已講明今次增持唔係純粹投資，所以以接近歷史性高價增持亦在所不計，主要係突出本港維持國際金融中心地位，落實「十一．五」規劃高峰會中港合作策略建議。不過，今次行動可能係擔心外資會聯手一併支持海外其他睇好中港股市交易所提出敵意收購，雖然目前港交所公司章程規定如無政府同意，任何人唔可以持有港交所5％以上股權，但根據2006年港交所年報顯示，被視為海外機構投資者股東基礎高達49.66％，一旦出現一致行動，唔排除港交所呢間半私營公司控制權會易手。至於係咪過慮，以港交所主席係由佘當奴委任，董事會成員13人中亦有6位由政府委任，對推行符合特區政府意願政策應該好穩陣。事實上，即使今次政府增持港交所至5.88％成最大股東，亦不足以抗衡外資機構一旦出現一致行動，或者係向外表態港交所係特區政府策略性資產也。過去一、兩年領匯（823）旗下公房商場不斷革新加租，引發唔少影響民生社會爭拗；但作為一間商業主導公司及在對沖基金爭取短期最高回報意願下，政府對領匯並無發言權，亦可能係政府今次增持港交所股權考慮因素之一都未定，無論如何，好戲應在後頭。至於現價應否跟政府買港交所，以其股價今年已升八成半，市盈率高達 45倍，超越全球其他交易所，純以目前業務範圍考慮，確實缺乏吸引力；但高官表明今次增持唔係純投資，卻帶來中港兩地交易所合併憧憬，未來中港股民可在兩地全線開放下買賣股票，一下子令港交所有如內地一批中資股炒注資併購概念。　　

上周美國8月份職位由預期有新增變成減少4000個，係2003年8月以來首次；7月份勞工部調低職位增長，由12.6萬減至6.9萬，各行業職位人數均見削減，係經濟放緩最佳指標。今次職位流失主要製造業，預期信貸及次按危機對金融行業帶來職位流失尚未反映，對於重視經濟數據以調整息口貝南奇，睇本月18日公開市場委員會減息在所難免。不過，市場把減息預期幅度由原先0.25厘調高至0.5厘，金融市場又會借勢大炒一番矣。

金價突破700美元意義重大　　

盎斯金價突破700美元，具有頗大意義。除土耳其等國家減持美元轉投黃金，9月份係穆斯林齋戒月，加上回教國家婚禮對黃金需求增加，愈來愈多央行及投資者面對美元持續弱勢，可能為黃金後市帶來另一輪升浪，雖然現階段言之過早。美元減息會進一步削弱美元吸引力，但最大影響係令資金流向非美元區，令通脹受物價上升影響程度有限，而且目前市場關注美國經濟有衰退疑慮，咁環境下，短期金價唔容易擺脫炒上落。不過，投資者情緒正隨央行致力紓緩次按風暴破壞性推出唔同措施，會帶來唔同效果，因此投資者要密切注視短期發展。當然金價上落亦受政治因素影響，「九一一慘劇」六周年前夕，唔見三年拉登又最新錄影講話中亮相，影片好似更年輕，佢真係有辦法。較早前美國國會將懸賞金額調高至約3.9億元，但依然未有任何效果，引起新一輪恐襲疑慮。不過，呢類狼來了恐懼冇得估也。　　

日圓繼續上升，估計年底見109日圓兌1美元機會好大，上周收市已見113.4水平，仍高於上月出現利差交易恐慌性拆倉潮水平。不過，以目前市場對貝南奇處理次按問題愈愈冇信心，明知單靠減息注資效果非常短暫，但市場及政治壓力下，稍後減息機會仍然好大，卻會直接削弱美國聯儲局過去十多年樹立威信。格蛇過往主導下Outplay成個市場，依家貝南奇變為跟從市場及兩黨，為維護樓市及選票的壓力下而減息，令市場對貝南奇失去信心。　　

胡主席同殊仔上周澳洲會面後，即見人民幣兌美元率應聲突破7.55關口，再創2005年7月率機制放寬彈性下新高，兩年多已累積升幅近 7.545％。除因為期內美元兌各國貨幣疲弱，美國面對龐大外貿赤字，內部不斷印銀紙以維持呢十幾年好景，令格蛇能在一片掌聲下光榮引退；加上猜呢士有畀面傳統，順應美國要求加快人民幣升值步伐。當然，下周內地公布8月份CPI肯定再創高位，拋離政府訂下可容忍水平，令加息機會大好多。在中美利率差距收窄下，人民幣兌美元升值亦符合市場因素，睇明年殊仔去北京睇奧運，雖然作為貴賓，費用可由中國政府支付，但其同行人員荷包卻肯定輕好多。

權威在危機處理中累積　　

格蛇今年多次作出令市場側目言論。呢個在任聯儲局主席18年金融界高手，年初提出美國經濟有三分一機會進入衰退，令市場好友與淡友均有不同演繹，究竟係三分二機會經濟冇問題持續增長，定係最終會因次按問題拖累經濟及消費信心，最終要透過減息及注資Jumpstart疲弱的經濟？上半年好友及貝南奇勝出，但近日衰退這類詞語已報章上重現，雖然多名聯儲銀行行長都指未有強烈證據顯示樓價下跌及次按已影響到其他經濟領域，但今年只餘下不足三分一日子，格蛇預測亦為淡友帶唔細贏面。近日格蛇又警告最近信貸危機令佢聯想起1987和98年股災境況，過去七個禮拜市場行為與以前市場出現動盪相似，包括1998年長期資本管理公司瀕臨倒閉及1987年股災。對於我地呢一代冇經歷過1837年土地熱潮崩潰及1907年銀行恐慌，其言論目的在於指出經濟在亢奮情況下帶來泡沫性商業擴張，好似近幾年大量對沖基金冒現，利用平錢進行錢賺錢遊戲，泡沫自然形成；反之，恐懼將令呢類擴張行為收縮，依家市場恐懼正蓋過亢奮，並指出透過加息才可以刺破呢個泡沫。格蛇言論似直指現任主席貝南奇點解唔早D加息令呢個泡沫及亢奮得以降溫。依家格蛇作為局外人，其言行頗為出位，雖然大家都知道貝南奇目前面對困局大部分係格蛇任內遺留落蘇州屎，但貝南奇今次解決次按風暴上維持其大學教授學者形象，表現平平，冇乜大將之風。權威係出現危機時成功解決中積聚落，一如業績不振公司轉換CEO，透過大刀闊斧內部重組或是另闢天地，為公司開拓生路，先至係稱職CEO。貝南奇呢位由殊仔欽點接班人，肯定被減分。