2007年11月26日 星期一

2007-11-24

抽新股遊戲風險提升   

11月23日,周五。恒生指數反彈536.17,收26541.09;成交額降至1048.9億元。11月期指升483點,收26570點。四叔話明春恒生指數睇33000點,刺激今天長實(001)升3.2%、新地(016)升2.4%、中移動(941)升2.4%、中海油(883)升4.4%(獲花旗推介)。但今天新上牌之中外運航運(368)較招股價8.18元跌13%,收7.12元,申請新股遊戲風險大幅上升。部分中國企業IPO已轉去歐洲股票交易所申請上市,因為中國企業歐洲極受歡迎,至今只有1%中國企業歐洲上牌(96%在香港上牌,其餘新加坡同紐約)。  

滬深三百指數回升1.75%。人民幣升破7.4兌1美元,歐盟方面要求人民幣加快升值,令招商銀行升2.7%、浦發銀行升2.3%、民生銀行升2.4%。金融分類指數今天升幅最大。

美元未來兩星期續受壓  

美國十年期債券孳息率跌穿4厘,代表未來美國通脹壓力唔大,同一般人擔心通脹上升剛剛相反。信貸膨脹期由2001年開始,今年8月結束,呢段日子資產價格大幅上升,再透過衍生工具及企業債券,令流動性過剩情況好厲害。8月份次按危機爆發後,OECD國家金融機構債券市場虧損超過3000億美元,令借貸市場迅速收縮,期間各國央行不斷向金融體系注資及美國減息,亦只能減慢借貸市場收縮速度,而無法扭轉方向。借貸市場收縮問題已開始影響股市,股價回落反過來又再加快借貸市場收縮。同1997年亞洲金融風暴唔同,當年亞洲借貸市場萎縮,但美國同歐洲仍膨脹。亞洲國家透過出口貿易賺入外,最終令萎縮中借貸市場2003年起再膨脹。美國同歐洲借貸市場出現萎縮,又有邊個能阻止?  

至今為止Wilshire 5000(差唔多包括所有美國上市公司)仲上升通道內,但50天移動平均線已失守,出現中期調整,最終美股方向係點?過去五年美股大方向係反覆向上,明年又點?至今為止仍未見到美國次按危機改變方向,可見將來(例如六個月)美國信貸市場繼續面對收縮而非膨脹。今天美元兌歐羅繼續創新低,見1.4912兌1美元,離1.5美元水平不遠;今年美元兌歐羅回落11.1%,其中4.5%跌幅來自9月起兩次減息。12月11日減息至4.25厘機會高達90%,唔排除未來兩星期美元價繼續受壓。  

澳元出現第三個星期回落,兌87.23美仙。過去一星期兌日圓回落4.6%,可見跌幅相當大,兌美元亦回落2.3%。周日大選後如何?

尋底係高危動作  

紐元出現第二個星期回落,見75.54美仙,8月至今兌美元回落7.9%,兌日圓跌幅更大。證明商品貨幣漸感受到美國信貸收縮影響。  

歐羅價一升再升,周四歐盟向中國提出警告,可能用反傾銷法對付中國貨入口。今年首七個月與中國貿易赤字係860億歐羅,因人民幣兌歐羅貶值。今後中國產品能否藉歐洲繼續保持出口高增長?  

中國經濟仍面對流動性過剩及負利率環境。為防止信貸過度膨脹,人行已一再提升存款準備金率至1987年以來新高,11月23日再招標發行七年期債券,估計中標票面利率4.38厘至4.43厘,即同美元十年期利率接近。唔同係美國三個月期利率向下,人民幣三個月期利率則向上,估計有一天兩國利率將零差距。11月20日周小川話,對依家利率水平感到滿意,中國唔需要過於頻繁咁調整利率水平,但唔排除繼續調整可能性。一般估計,人民幣短期利率仍會加息兩次,今年7月三個月存款利率同七年至十年期國債利率差接近4厘,家不足2厘,可見今年7月起人行正逐步收緊銀根。  

香港不但面對美國信貸今年8月起進入收縮期,亦面對中國信貸今年7月起進入收縮期。11月恒生指數漸漸感受到上述收縮壓力而掉頭回落,至於幾時見底?我老曹冇呢方面預測能力。尋底係高危動作,除非你有四叔咁雄厚資本就例外。

報業面對創造中破壞  

點樣次按危機中尋找安全島?更進取策略係點樣惡性拋售中找尋獲利機會?面對美國信貸市場仍在惡化,美國消費前景日漸暗淡,點樣找尋商機?  

1942年哈佛大學經濟學家Joseph Schumpeter提出創造中破壞(Creative Destruction)。佢認為一個市場經濟會不斷將舊及唔合時企業破壞,將資源分配到新及更有生產力企業上,結果創造過程中出現不斷突破……。例如互聯網正在破壞報業過去所獲資源,最先只有缺乏競爭力報章被淘汰出局,最後大部分報章均被淘汰出局,資源被互聯網佔去。例如英國《Daily Express》1998年仲有一百二十萬讀者,今天只有七十八萬九千;不足十年流失四十萬,因此廣告收益大減。《報》 2003年5月仍有一百一十萬份,依家不足七十萬份,不足五年流失36%。英國《太陽報》去年銷量三百一十萬份,係近三十年內最少。  

為對抗互聯網,世界各地皆推出免費報紙,表面上令讀報人數上升,但根據倫敦統計數字,今年首九個月報章所獲利潤平均較去年減少16%;反之,互聯網收益卻上升46%。免費報紙搶走只係同業廣告,未有威脅互聯網收益。最受影響係普羅大眾報紙,影響較少係專業性報紙例如類似《信報》呢類,抗互聯網侵蝕能力比較強,但前景一樣未能樂觀。  

中國人口十三億,共三億七千萬個家庭,電視機擁有率已達100%(城市達130%、鄉村80%)。城市已進入電視機取代期,由CRT-TV轉向FPD-TV。OECD國家,平均每個家庭有二點二部電視機,主因係加添一部FPD-TV後仍保留一部CRT-TV。上述情況2005年亦中國開始,去年中國FPD-TV銷量五百萬部(其中LCD佔四百萬部、PDP佔一百萬部),市場佔有率14%(即中國家庭擁有FPD-TV佔總人口14%,日本係79%、美國42%、歐洲51%),估計今年FPD-TV銷量將急升至一千萬部,市場佔有率達25%。明年受北京奧運影響,相信係平面電視銷量急升期,FPD-TV銷量可上升至一千六百五十萬部,市場佔有率升至38%,漸接近歐美國家水平。

中國家庭將有兩架電視  

至於CRT-TV,由於售價漸同FPD-TV接近,2005年銷量係二千九百二十萬部,相信已見頂,去年下跌至二千八百七十萬部,今年二千七百六十三萬部,明年二千五百三十萬部,需求主要來自農村及較落後地區,主因係平面電視仲未可以滲透到呢D地區,專注城市市場。  

明年奧運後,FPD-TV大城市需求放緩,到時平面電視將全面向其他地區進行滲透,令CRT-TV銷量急跌,市場由FPD-TV取代。中國進入電視機舊換新高潮,估計最終FPD-TV市場佔有率將一如日本,達79%。  

明年奧運唔少中國家庭走向擁有兩部電視機,一億八千萬個城市家庭成為平面電視買家,而農村購買仍以陰極射管電視為主。但OECD家庭早已擁有兩部電視(或以上),未因北京奧運而加添另一部電視,需求仍來自舊換新(放棄舊CRT-TV,購買一部新FPD-TV)。從呢點睇,2008年全球電視機總銷量唔會出現戲劇性增長,尤其CRT-TV因價格優勢漸失而走下坡,雖然FPD-TV銷量上升,但全球電視機總銷量升幅仍然有限。電視機生產廠面對係一個成熟市場,需求有賴全球各家庭放棄CRT-TV而購入FPD-TV(以三十吋計兩者零售價相差只有10%,四十吋以上兩者售價超過20-30%;依家四十吋以上平面電視機仍係日本同南韓貨為主)。  

換言之,年北京奧運對內地電視機生產股而言唔會帶來太大驚喜,升幅最大係LCD電視機。呢次電視機取代潮又係另一次典型創造中破壞,生產CRT-TV工廠不出五年大部分將被LCD電視機生產廠所取代。

沒有留言:

張貼留言