2007-11-15

又痕又怕痛 　　　

11月14日，周三。8月17日恒指由19386.72升至10月30日31958.41，升幅達64.85％，主因除港股直通車、美國減息兩次外，最大理由係香港資金缺乏正常出路；回落到11月13日26952.94，理由係調整10月30日過度超買，其次係美國次按問題再度令人關注。控（005）宣布第三季為次按撥備34億美元（2006年已撥備106億美元），控股價今年回落9.5％，相信已可反映為次按危機所付代價。 人人期望V形反彈重演　　

今天恒指升1362.66，收29166.01；成交1492億元。11月期指升1433點，收29220點。長實（001）升5.1元，報149.8元；恒生（011）升7.8元，報149元；建行（939）升0.53元，報7.98元；工行（1398）升0.33元，報6.49元；中移動（941）升11.9元，報140.8元；港交所（388）升12.4元，報239元；港交所今年7月至9月獲利16.82多億元，較去年同期升197％，每股獲利1.58元；每股資產淨值5.77元。　　

滬深A股升4.18％。青島啤升7.8％、國航升9.5％、南方航空升8.9％、雲南錫業升7.2％、上海汽車升6.4％。　　

10月30日至今，股市許多方面同7月22日至8月17日段日子好相似，次級信貸市場問題再度浮現撼動全球股市，VIX波動率指數升至26％以上，金融股受市場衝擊最深，率出現利差交易急速平倉。　　

美元貶值十分正常，奇怪係日圓亦貶值，展望未來三個月日圓110至115之間浮動。美元貶值理由充分，日圓貶值主要係利用貨幣政策，但各國唔指摘日本，反而指摘中國，令人奇怪。　　

8月17日起股市出現V形反彈，今天股市有人期望歷史重演。值得注意係，10月30日跌市同7月22日次唔同，7、8月份跌市成因係次按問題浮現令金融市場信貸急速收縮，因此各國央行注資下，收縮情況得以緩和，令股市反彈。呢次卻由於高漲油價及美國房屋市場前景惡化，拖累美元走勢所引發，未來幾個月中美貿易磨擦進一步升溫機會好大。歐羅區擴張期接近完成，股市回落係基於投資者對安全考慮，恒生指數未創新高前，我老曹維持一浪低於一浪睇法──即有反彈無上升。

大市一企穩慌死執輸　　

恒生指數回落至28952點完成最小跌幅後反彈，此乃今年股市特色：極之volatile，令指數不斷上下波動，主要係反映一般投資者又痕又怕痛心態。例如恒指30000幾點喎，唔驚就假，大市一跌便你質我又質；一旦大市企穩又慌死執輸，你買我又買。今天股市反彈理由係短期大市超賣，其他都係穿鑿附會。　　

達拉斯聯儲銀行主席認為，美國經濟保持增長，但同時面對通脹威脅（第三季GDP上升3.9％）。分析家估計，12月11日第三次減息機會高達82％（9月份美國核心通脹率只有1.8％）。點解十個投資者中有八個蝕本？──人們經常忘記揀股唔炒市，結果形成升市心動、跌市心慌，忘記賺錢方法係投資策略，而非猜測後市去向，趨勢形成時加入，結束時退出；謠傳時買入，消息出街時沽出（或謠傳時沽出，消息出街後買入）。連上述戒條都守唔住散戶，又點可以賺錢？當次按危機爆發，周二JP摩根大通及花旗股價不跌反升超過6％，高盛更升8.5％；標普金融分類指數上升4.7％，理由係金融股由今年2月起已轉弱，近日壞消息出街，淡友紛紛補倉。納指科技股升3％，E*Trade亦反彈14％。　　

我老曹1968年入行至今快四十年啦，睇住恒生指數由過去67點升到今天30000點，升幅四百四十五倍，亦經歷唔少風風雨雨。1969年12月開始寫股票分析文章，初期同一般人差唔多，漸漸從自己失敗中學習，並搵出逃避重蹈覆轍方法，1975年起漸漸明白投資係乜一回事，形成如今投資策略。我老曹由原始資本5000元開始，過去四十年投資回報絕對唔止四百四十五倍，屬跑贏大市分子（未必每年皆跑贏大市，例如今年恒指升幅咁大）。展望未來利率在回落中，12月11日減息機會好大；另一方面，次按問題仍然存在。點樣兩者之間搵投資項目？將會係近日努力所在。大量內地股份來港上市後，我老曹唔再認為港股有牛市熊市之分，而係牛熊共舞。行業性盛衰取代整體牛市或熊市。

牛熊共舞行業跳行業　　

過去牛熊市投資策略以買入後持有為主。近年牛熊共舞，投資應由一個行業跳去另一個行業，但困難許多。去年推介航空股、今年推介建築股，總算冇令人失望，明年高科技股表現又點？人無預測能力，一切見步行步。感恩節快來臨，跟住係聖誕及新年，未來一段日子應感謝上天2007年賜予我地機會，為感恩節預備火雞，然後歡度聖誕，到新年才再許願。　　

中外運集團分拆出來中外運航運（368）11月23日上市，招股價7.18至8.18元，O二十九點二倍至三十三點三倍。集資主要用作建造新船廠、購買二手貨船、收購國內外船務公司及減債，預計上市後仍有15％上漲空間。公司依家有二十六艘運載能力一百三十萬載重噸乾散貨船，已訂購正在建造四艘運載能力十二萬八千載重噸新小靈便型乾散貨船，以及四艘運載能力為七十二萬載重噸新好望角型乾散貨船。以中國強勁經濟增長能力睇，乾散貨航運需求按年上升應無問題。集團營運自有船隊共三十四艘，平均船齡九點九八六年（較全世界乾散貨船平均年齡十五點二年為低），已訂購十二艘新船，將2008至2011年交付。公司已通過母公司以成員身份參與BIMCO活動逾十年（BIMCO係世界最大私人航運組織，其股東成員控制全球65％商船）。中國對煤炭、鐵礦石需求下，今年波羅的海乾散貨指數大部分時間7000點之上（去年平均為3000點），上述情況明年仍保持。　　

花旗推介新奧燃氣（2688）、國泰航空（293）、華潤置地（1109），並建議減持康師傅（322）。　　

周二日本銀行宣布維持利率不變，仍係0.5厘，日經平均指數周三出現連跌八日後大幅反彈；日本核心CPI回落0.1％，即日本又再面對通縮，同中國面對通脹剛剛相反。以香港為例，收入愈高家庭花食物錢所佔比重愈少，花非食物類消費愈多。例如月入10萬元或以上家庭花食物方面開支約1萬元，佔總收入10％，如食品價格上升17.6％，對月入10萬元家庭而言總開支只增加1.76％。反而月入1萬元或以下家庭花食物方面開支約6000元，佔總收入60％，如食品價格上升17.6％，對月入1萬元家庭而言即開支上升10.56％。高收入日本人係感受唔到食物價格上升所帶來壓力；低收入中國一旦面對全球食物價格上升，所帶來通脹壓力便極大。不過，日本核心通脹係負0.1％，因此0.5厘利率亦有壓力；中國通脹率6.5％，一年期存款3.75厘亦冇壓力（香港介乎兩者之間，一年期存款利率〔大額〕3.7厘，10月份CPI只有1.6％，提供實質回報2厘。換言之，香港並冇出現負利率環境，可以講好）。

美銀行股見壞消息入貨　　

美國銀行宣布為CDO撥備30億美元，股價上升5.2％，見46.27美元；美國銀行仍有117億美元CDO。從美國銀行股價反應睇，市場心理已接受各大銀行為CDO撥備，並開始壞消息入貨。油價由98.62美元高價一度回落至90.13美元，以91.17美元收市。國際能源組織對第四季需求估計減少，加上產油國家考慮下月增產，令油價改變方向。IEA估計第四季石油需求較之前估計少五十萬桶一天，理由係美國需求減少，供應上升一百四十萬桶一天，因伊拉克唔受土耳其影響。需求下降部分理由係高油價壓力，令部分需求轉向天然氣。　　

中國10月份零售額上升18.1％，達8263億元人民幣（9月份升17％），係1999年政府開始有統計數字以來升幅最大一個月份。肉食、家禽及雞蛋銷售上升45.4％，食油亦升45.1％（部分因價格上升）。汽車銷量上升36.1％，連珠寶銷量亦升37.5％，衣服、鞋均升32.6％，傢俬升41.7％。　　

中國提升最低工資，並增加社會福利開支及減利息稅；加上滬深指數今年上升140％（10月中開始回落），都係造成中國零售業極之興旺理由。　　

中國首十個月零售額較去年同期升16.1％，達7.2億元人民幣。中國經濟首三季GDP升幅大於11％，收入上升13.2％。10月城市消費上升18.6％，農村消費升17.1％。　　

10月份中國CPI升6.5％（城市升6.1％、農村升7.2％），其中食品價升17.6％、消費品升7.8％、服務項目升2.3％、非食品項目升1.1％。食品類中，糧食升6.2％、油脂升34％、肉禽及其製品升38.3％、豬肉升54.9％、鮮蛋升14.3％、水產升7％、鮮菜升29.9％、鮮果升8.5％、煙酒升1.7％、衣下降1.3％、家庭用品升1.8％、耐用品升1.1％、西藥下降0.1％、中藥升11.5％、交通工具下降2.5％、交通費升2.3％、通信工具降18.4％、學費升0.6％、教材降1.3％、文娛升2.6％、文娛用品降0.6％、旅遊升2.6％、居住升4.8％、建材升4.9％、房租升4.7％、水電煤升2.9％。　　

換言之，10月份漲幅最大係豬肉，其次係肉禽類製品；全國食品價格平均上升8.6％。　　

人民幣升上7.414兌1美元，1港元兌95.242元人民幣。JP摩根大通估計人民幣短期內再加息。

金錢錯覺影響行為　　

金錢錯覺往往影響人行為，例如唔少人認為自己富有（扣除價損失同購買力失去，其實大部分人係貧窮）。例如今天中價樓較2002年1月上升50％，其實係港元價回落50％才真。人們因為自住物業由2002年1月市價200萬元升至今天300萬元而認為自己富有，而無視以歐羅計，300萬港元換唔到2002年同樣歐羅。政府最大把戲就係玩再膨脹（Reflation），利用資產升值去抵銷Crash所產生痛苦。例如今天恒生指數29000點，較1973年3月1700點高十七點五倍，但事實上係低唔係高，因為今天港元購買力只相等於1973年5％！當年金價280元一，近期卻達七、八千元。今時今日人人有錢，但並非富有。　　

趙紫陽時代，發展最迅速係中國南部，尤其係廣東省一帶；1989年六四事後，江、朱成為權力核心，浙江省一帶起動；胡錦濤時代來臨，佢出身中國中部及西、南部近年亦起動，相信未來武漢、重慶、長沙一帶仍然睇好。上述並非刻意係咁，只係有意無意間形成。一如殊仔上台後石油股升完可以再升，道理一樣。