2007年11月4日 星期日

2007-11-05

不可一竹篙打一船人     

11月4日,周日。美國房地產不提也罷;中國房地產因為鄉村人口湧入城市,令五十個大城市樓價無一不升;至於香港,9月份起因唔少散戶在股市中賺蚊年,再玩樓換樓遊戲。 11月尋找轉勢二線股  

道指已從10月11日14198點回落,滬深A股由10月17日5891點開始回落,恒生指數係咪由10月30日31958點開始回落(恒指已同RSI出現三浪背馳)?港股直通車延期開出,相信周一H股同紅籌股麵對較大幅度調整,但油價高企並有機會突破100美元一桶,將繼續支持能源股及煤礦股。至於二線股,有D二線股疲弱係弱在本身業績差、缺乏成長性預期,因此在大旺市中仍缺乏上升動力,但亦不可一竹篙打一船人,二線股中亦不乏業績轉弱為強者。呢類股份由於交投唔多,一旦轉勢股價往往出現火爆,吸引投資者眼球。11月就係尋找那些二線轉勢日子。市場永遠變幻無常,當你剛剛睇好紅籌、國企股時,佢又開始變化矣。  

英皇國際(163)宣布將港島西半山一幅優質地皮出售,獲利5.75億元,售價14.68億元。買家係美國美聯銀行及富聯國際(369)合組公司。最開心應該係英皇國際執行董事張炳強(我老曹老友),上述係佢出任英皇國際執董以來第一次同公司賺大錢。誰說二線股可忽略?!  美元兌1歐羅見1.4528新低,兌英鎊見1981年以來新低,兌加元更係1950年以來新低。估計11月8日英國唔會減息,短期英鎊仍有上升能力;反之美元仍有減息壓力。相信明年3月結前,1歐羅可兌1.5美元,因為美國房地產及次按問題仍在惡化;估計明年1月美國再減息四分一厘,何況第四季美國GDP增長率在放緩中。  

花旗集團CEO Charles Prince可能步美林CEO辭職的後塵,今年花旗集團股價已下跌31%(上周跌9%,收市後場外交易回升1.3%)。周一花旗可能公布虧損進一步擴大,因唔少次按債券價格進一步下跌。繼續避開同次按有關項目,乃我老曹一直忠告。花旗集團3500億美元SIVs市場中係最大莊家,管理七個資產賬之外工具,涉及800億美元資產。

次按市場繼續有人頭落地  

SIVs係利用發行短期債券集資者去較高息次按債券,藉此賺取利息差。如次按唔出事,咁樣的確可賺取息差;一旦出事,便出現利大本無歸!睇落次按市場繼續有「人頭落地」。金融市場定律:成功者上天堂,失敗者落地獄。其他行業人士毋須羨慕金融從業員,事關高薪背後係無比壓力。  

據統計,股票市場回報率有80%來自股市由低於O十倍升上O三十倍所產生,隻有20%係絕對回報。投資策略應在O低於十倍股份中找尋明日之星,而放棄O高於三十倍當炒股。上周四恒生中企指數平均O三十七點四六倍、恒生國企指數O三十七點八七倍,上周五開始回落。短期而言,紅籌、國企股可升可跌,但長線而言紅籌、國企股已失去投資吸引力(因O三十倍之上),因此老曹一再建議大家在國企、紅籌股身上減持,資金轉投高科技股。或遲或早將見到國企及紅籌股Go Down the Drain日子,一如1997年8月後紅籌股大跌一樣,理由係8月20日至今國企、紅籌股炒上行為係建基於「虛假的希望」,而非公司業績。年輕一代可能忘記1997年8月以後北控(392)及上海實業(363)股價狂跌日子。  

10月過去了,但500億美元房貸仍未重新安排(reset),會否出現大量不履行合約行為(default)?木宰羊。未來六個月美國每月有幾百億美元房貸須重新安排。換言之,次按市場仍滿布地雷(唔知幾時踩中便粉身碎骨)。美國三個月LIBOR由一個月前5.24厘下降到上周五4.86厘(多謝兩次減息),令房貸在重新安排方麵容易一D。  

如把油價同食物價格剔除,美國通脹率第三季隻有0.8%,即如非油價同食物價格上升,美國有條件將利率降至3厘(而非4.5厘)。油價上升係因為地源政治,同經濟無關;食物價上升,天氣係主要因素。美國樓價回落有乜可怕?過去十年美國樓價隻上升120%(同期英國上升211%),因此美國樓價回落唔係1990年日本式,更加唔係1997年8月香港式(1984至97年本港樓價上升二十倍,令1997年9月至2003年6月回落65%)。估計由2006年8月至2009年年中,美國樓價可回落15-20%左右,但No Big Deal !隻係D做十足按揭或5%到10%按揭者才出事;如做30%按揭應該沒事。當油價直指100美元一桶(估計其中20美元以上係地源政治風險溢價)、金價升穿800美元時,要你相信未來通脹率仍十分低有一定難度。事實上,我地已度過高通脹期並走向低通脹期。弱勢美元一向對港股有利,例如1990年到1997年為香港製造資產升值潮;2002年1月起美元弱勢,亦令香港資產由2003年6月起再次升值。至於油價長期點睇?石油專家認為如沒地源政治因素,油價應在70美元或以下。今天高油價成因係政治因素唔係經濟因素,一旦政治氣氛緩和,油價將再回落,呢點可由遠期期油價格較短期期油低證明。  

去年2月貝南奇出任聯儲局主席以來,股市便不斷上演「Deep V」,主要反映一般人對前景憂慮,而唔相信經濟已進入黃金歲月。上周又再出另一個Deep V,但美國上周五股市贏家又係睇好一方。有時我老曹都幾佩服內地投資者,在A股較H股有30%到60%溢價下仍唔恐懼,反而香港卻彌漫一片睇淡聲(連的士司機亦叫我老曹小心投資;茶樓夥記亦叫人少沾手窩輪)。我老曹過去四十年股市生涯,從未經歷過恒生指數上升50%而仍有咁多散戶及分析員睇淡!相信今年升市中唔少散戶並沒上車或持貨不足,甚至可能蝕本。唔同意?各位睇D散戶至愛——二線股,今年大部分二線股股價不升反跌,唔少仍在賬麵值以下;另一散戶至愛控(005)亦早已表現「大笨象」本色。

今年升市淡友多  

股票市場早已進入20╱80時代,即20%投資者賺大錢、80%投資者上上落落或輸錢。反觀1997年房地產熱時,大量散戶自住一間,另一間用炒、一間用收租,所謂「三樓一族」。2000年有多少人戀上「八號仔」?當年我老曹收到唔少女讀者來電話:「Richard好cute!」我老曹最後忍唔住寫篇〈小小超不再性感〉文章,叫人唔好戀上李察李。七年後今天,唔少讀者話憎死李察李,李察李由2000年「全城最可愛」變成今天的「犯眾憎」,再次印證今年升市睇淡者充斥市場。後市點睇?  

上周五美林下跌7.9%、貝爾斯登跌5.4%、大摩跌5.6%、高盛跌4.4%……;但Research in Motion(RIM)升4%。美股早已出現拋售金融股買入高科技股行動,相信全球各國股市遲早跟從;Viacom第三季淨收入上升達80%。  

銅價已跌至七星期內低價7458美元一噸,上周五反彈至7520美元收市;鋅價跌至十九個月內低點,因存貨上升30%,至七萬七千噸,一度見2655美元一噸才反彈。鋁價仍高企3690美元一噸,因需求很大。從金屬價睇,明年高科技股獲利能力進一步加強。  

全球最大玩具買家Mattel股價已跌至五十二周低位,由30元回落到隻有20元,因擔心今年美國聖誕節玩具銷售令人失望。應否壞消息入貨?瑞信開始推介,十二個月目標價28-30美元。  

微軟Virtual Earth 3D(Beta)2.0可支持Windows Live Map3D地圖展示和指引,但必須250MB以上硬碟空間,將形成換電腦潮,以便將記憶係統擴大容納新軟件。由2000年科網股泡沫爆破至今已超過七年,另一個電腦轉換潮開始,令聯想(992)股價今年狂升,相信將漸漸伸展到其他高科技股方麵。另一尋寶遊戲又開始矣!

沒有留言:

張貼留言