好了傷口忘了痛
4月27日，周日。《巴隆氏》雜誌4月24日調查所得，大部分分析員相信到明年中美股可上升10％。超過55％機構投資者睇好今年年底及明年上半年股市，只有10％仍認為股市現價偏高。87％決定未來三至六個月買入多於賣出，只有13％計劃減持。睇好其中一個理由係美元將止跌回升，可令D由原材料價格支持上升貨幣如加元、澳元、紐元等進入回落期，令資金回流美元。歐羅已見1.6美元，亦應該止升回落，而且相信4月30日係美元呢次減息周期中最後一次減息矣（通常最後一次減息係入市訊號）。
春天係咪自3月17日起又返回股市？投資者係冇記憶，股市上升六星期便「好了傷口忘了痛」。投資者常犯錯誤係高興得太早、睇淡得太遲。投資係最狡猾及最不民主遊戲（因群眾常常係錯誤），大部分時間唔係太模糊就係太唔肯定。
假設本周三係美國今次減息周期最後一次減息，但次按危機所帶來損傷仍有排醫。美國經濟唔可能出現V形反彈，能夠出現U形反彈已經上上大吉。
殊仔上周五終於認同美國經濟已放緩，但下月美國人將收到300美元（夫婦最高1200美元）支票，受惠家庭達一億三千萬，估計可令疲弱經濟重新好起來！
樓價唔止跌經濟冇真正繁榮 路透社及美國密歇根大學消費信心指數4月份跌至62.6（3月份69.5），係1982年3月62點以來最低。
踏入2008年，股市出現大上大落，點樣上落市中獲利？講就易做就難（今年第一季大部分基金經理皆輸錢）。
耶魯大學經濟學家Robert Shiller（與標普公司合製S&P╱Case-shiller美國住房價格指數）認為，美國樓價未來仍有好大機會回落多30％！因1997至2006年美國住宅樓價扣除通脹因素，實質升幅達85％，係美國史上最大一次升幅；佢唔信美國房價只調整10％便足夠。
從九十年代日本經濟表現，以及從1997年第三季開始香港經驗睇，如樓價唔止跌回升，經濟係冇真正繁榮。
花旗推介嘉里建設（683），目標價63.5元，理由係該公司資產淨值達79.7元，依家市價偏低；反之，內地A股（尤其保險股）今年下半年純利進入負增長期，如國壽（2628）、平保（2318），宜利用呢次A股反彈期作減持。
大摩認為，4月24日內地減股票印花稅可令A股短期表現出色，除減印花稅本身影響外，亦代表政府唔希望股市進一步回落，形成上證A股3000點為支持區；加上美股由3月17日回升，全球信貸壓縮（credit crunch）最惡劣日子可能亦過去。但今年中國仍面對高通脹、出口增長率減慢、企業邊際利潤收窄等問題，相信上證A股指數仍有一段日子3000至4000點上落，以適應全球GDP增長率放緩，直到內部消費升至某一水平替代出口，成為經濟增長引擎為止。估計今年首季A股純利平均升幅25％（去年第三季唔包括保險股純利升幅59％），純利增長率下降令O回落，上述係A股由高峰回落44％理由。展望今年下半年A股純利升幅將進一步回落甚至出現負增長，計劃撈底投資者須留意。
大摩亦提出內地由肉價貴轉為穀物貴，第一季食物價格升幅達21％，令CPI平均升幅達8％；第二季至今穀物價格再升30％，估計可以將內地CPI第二季推上9.5％。內地除大豆外，其他穀物可自給自足，但國際糧價上升刺激下，價格仍無可避免上升。
由於石油價格上升，令食物價格可見將來跌幅有限，即高糧價、高能源價、高資源價、低美元價將長期化，唔似七十年代上述因素令美國CPI上升，美國必須大幅加息去壓抑。環球化環境下，美國買家只須更改入口貨來源已可控制入口成本；一如八十年代供應國由日本移向中國，依家改為移向印度、越南及其他生產成本較中國低國家便可，即未來中國出口增長率下降亦將長期化。另一值得注意問題係去年內地樓價上升，但租金升幅極之有限，形成租金回報率急跌，買樓收租變成負回報（內地供樓利息一再上升）。內地100萬元市值人民幣住宅，月租只係3500元，如供樓（借70％計）卻月供7000元，上述因素將局限內地樓價進一步向上。最後係油價升幅仍未市場上充分反映，因政府唔准油價加價，形成成品油價出現倒掛現象。上述情況又可維持幾耐？再加上煤價上升、電費唔准調整，即內地未來CPI繼續有上升空間。
棄白金買白銀？
中國外儲備以美元為主，正計劃減少美元外儲備所佔百分比，但家歐羅已處高價，今時今日減少美元所佔外儲備百分比係咪明智？大摩結論係利用呢次A股回升減持，例如雅居樂（3383）目標價由過去19元改為14.3元；東方航空（670）目標價由7.1元改為4.05元；但建議吸納招商銀行（3968）目標價由29.9元改為35.18元。
2008年美國銀髮一族漸成大多數，全球每八個人口中有一個超過六十歲；到2030年六十歲或以上人口將超過十億人，即二十多年後地球將成為老人世界！上述情況不但改變投資行為及經濟狀況，未來世界亦同今天唔一樣。二十一世紀世界的確改變好多，例如二十世紀末被睇好科網股忽然之間都變成out-date；反而一向被睇淡能源股、礦務股甚至黃金卻成為新貴，今年連大米價格亦可以狂升。過去八年無論你做或做錯都已無法改變，能夠改變只係你未來！自1997年起我老曹已一再攻擊買入後持有理論。長線投資二十一世紀已過時，應改為方向投資法，如方向錯誤，你可以一生一世都唔賺錢！2000年科網股身上慘敗者，就係唔明白1982年美國進入知識型經濟高潮結束；反之，中國、印度等國家，經濟興起後因國內資源無法滿足出口需要而向全球搜購能源、原材料，甚至食物亦大幅上升。但當金價升穿1000美元、油價見120美元，連米價亦三級跳後，未來方向又如何？3月17日開始港股反彈係咪應該Sell in May and go away？美國十年期債券息率已見3.89厘，即CPI上升壓力漸漸威脅長期利率。美元長期利率開始進入另一上升周期，加上外資對美債缺乏興趣，令美債進入下跌周期。
值得注意消息係，日本三井礦業冶煉上周三宣布發明清潔廢氣新方法，就係用白銀取代白金，令汽車廢氣處理器生產成本減少90％。上述消息係咪代表白金價格見頂？白銀同白金同樣可以減少一氧化碳排放量及清除空氣中微粒，分別係白銀耐熱性不高，好易熔解，白金則抗熱能力好強，此乃白銀過去不能用於處理廢氣理由。三井礦業冶煉發現加入某類金屬後，便可將白銀抗熱能力提升到攝氏八百度，足夠應付廢氣高溫！自七十年代彩色菲林漸取代黑白菲林，令白銀失去其中一項主要用途後，銀價一直抬唔起頭。雖然1979年亨特兄弟一度將白銀炒到50美元一盎斯，但好快又散。呢次發明公布後，投資者係咪應棄白金而買白銀？
改革開放三十年，中國人勤力結果係令內地企業賺唔少，但只係一份牛工！令人擔心會否同樣犯日本人戰後一直捱到1990年，然後股票市場同物業市場上輸晒錯誤？今天兩大趨勢要留意：一、美指數正挑戰下降軌阻力，小心2002年開始美元熊市快結束。二、商品價格指數上升軌面對考驗，雖然仍守得住。投資者宜小心兩大指數改變方向。
中國今年首季外儲備增加1539億美元，扣除FDI及貿易順差後，仍有850億美元外唔知從何而來？由於中國一直鼓勵和吸引外流入，可以銀行開設現保留戶口，將外存入內地銀行戶口，日後可通過銀行賣出，令外可透過呢D戶口進入中國，變成人民幣投資中國股市及樓市，獲利後又可透過呢D戶口將資金出中國（只係所賺取利潤如要走，必須申請及獲批准才可）。FDI亦係以上述方式進入中國。表面上睇，外資賺錢後將利潤走有一定困難，但海通證券研究員認為可透過進出口貿易將利潤走，就係高報出口價及低報進口價，所產生差價便可將資金留海外。換言之，中國雖然仍有外管制，但因管制力度逐漸減弱，外流出流入中國並唔係太困難。
中國外管制形同虛設
美國對外關係委員會研究員Brad Setser研究中國外資產結構同流入規控進行分析，結論係2007年中國外資產增加6000億美元，而非官方外儲備公布4619億美元。從呢點睇外資呢幾年透過各種方法進入中國金額非常巨大，估計2007年一年實際流入中國外資金至少達5500億美元，其中唔少更流入股票及物業市場；加上商業銀行同央行之間掉期交易（商業銀行以外向央行交換人民幣，日後可將人民幣換回外），令提升存款保證金率所產生收緊信貸作用唔大，因商業銀行只須將吸收外存款向央行進行掉期交易便已符合要求，而毋須收縮信貸規控。
換言之，透過現保留及虛報進出口價格，令外資進出中國十分方便，所謂外管制作用極之有限，令提升存款準備金率亦無法產生收縮信貸規控功效；除非國家嚴格執行進出口外管制條款，嚴格審核申請人貿易背景真實性，只係如此一來又會大大影響正常進出口貿易。呢幾年的確有大量熱錢一如「木馬屠城記」咁匿木馬肚內進入城堡；一旦人民幣完成升值，小心熱錢突然撤離，涉及金額高達數千億美元！熱錢依家躲藏股票市場、物業市場及內地銀行現保留戶口內，依家中國政府既冇形成系統操作去遏制熱錢流入，亦冇工具可阻止日後熱錢撤走。
中國政府唔好以為有外管制，類似1997至98年亞洲金融風暴便唔可能中國身上發生，其實今天中國外管制已形同虛設；小心有一天熱錢由淨流入變成淨流出之時，中國經濟便麻煩矣。
沒有留言:
張貼留言