2008年3月9日 星期日

2008-03-10

審判日

  3月9日,周日。上周五美國宣布今年頭兩個月冇八萬五千個職位,進一步證明美國經濟受信貸市場影響,估計6月前聯邦基金利率可降至1.75厘,但減息有用咩?

標普先道指跌穿今年支持位  道指已下跌兩星期,十分接近1月22日低點,見11893.69;標普五百指數更跌至2006年8月以來最低1293.37,先道指一步跌穿2008年支持位。Thornburg跌80%,見1.79美元;Carlyle Capital股價已跌58%,見5美元。美元價回落,進一步推高油價至105美元以上一桶,技術上睇107.5美元有阻力。美國呢個「Humpty Dumpty」經濟出現「The Great Fall」,即使出動全國兵馬,都無法再拉起呢個大肥佬矣。去年美國樓價跌8.9%,0.83%住房被接管、5.8%延期供樓,未售出住房超過四百萬間(相等於十個月需求)。利用信貸膨脹去刺激樓價上升、創造消費需求經濟泡沫已經爆破,已非貝南奇有能力阻止它回落。雖然利率一再下降,信貸危機仍在惡化,甚至房利美及房貸美所發債券還款能力亦被質疑。擔心2008年美國陷入九十年代日式經濟衰退。

惡性通脹然後通縮

  1980年1月金價見850美元時,有邊個料到1999年7月金價可見252美元?踏入2000年我老曹大力推介黃金時話睇1000美元,當年似乎係天方夜譚。自去年9月18日美國開始減息至今,金價上升40%,依家唔係1000美元在望咩?1980年850美元購買力,相等於今天2339.67美元!今年首飾業需求下降,金價上升完全來自美元價轉弱支持。後市金價升降將由美元價決定。

  1923年第一次大戰後,德國成為戰敗國,惡性通脹引發大量失業,最後經濟出現通縮,導致希特拉上台。第二次世界大戰後,德國面對相同危機,當年中央銀行決定發行新馬克及誓言對抗通脹,當通脹漸受控制,德國經濟便全面復甦。第二次世界大戰結束後,中國國民黨為支付軍費而濫印鈔票,銀圓券、金圓券、關金券大幅貶值,亦造成中國惡性通脹、失業率大升最後經濟蕭條。上述歷史證明,政府不能透過印鈔票去解決經濟問題。如果呢點貝仔都唔識,都係返大學做研究好D,以免將眼前美國金融危機變成美元危機。市場已到「審判日」。美元利率即使降至零,亦無法阻止美國股市及樓價回落。美國已進入「迷失年代」!如金價破1000美元狂升至2339.67美元(相對等於1980年1月21日850美元),代表美元購買力再失去50%,美國會先出現惡性通脹,然後失業率狂升,最後係通縮。

中國股市世上最強

  日經平均指數50天線跌穿200天線去年9月3日出現,已確認熊市,上周五收市指數12782點,會否成為最先跌穿2008年1月22日低點(12572點)股市?港股熊市上周五獲確認;滬深三百指數A股仍係牛熊共舞,未確認熊市,代表世上最強股市係中國,香港次之,然後係美股,最差係日本。淡市弱勢先行,即美股情況遲早影響香港,最後影響中國。

  人行行長周小川認為,人民幣升值唔係對付通脹最好辦法,因為期望人民幣升值可引發資金流入,反而令貨幣增長加快。未來人行仍會加息、提升存款保證金率,只讓人民幣緩步慢行地升值,以便令全年CPI升幅下降到4.8%水平。十九位分析師估計,中國2月份CPI升幅達8.1%。高盛中國首席經濟學家梁紅認為,人大會議後,政策形成及執行將更為果斷,唔排除未來幾天人行便提高存款準備金率同利率。

  滬深三百A股指數將面對拋售壓力,包括過去非流通股轉為全流通,其次係去年IPO禁售股今年可出售;再加上類似平安保險(2318)等大企業計劃供股,都係滬深三百A股指數未來必須面對問題,雖然指數已由去年10月回落28%(今年回落17%)。

  我老曹唔相信「兩不相干」理論,只相信有時差及程度深淺之分。美國GDP全球最大、最開放,對全球影響力亦最大。去年中國已取代加拿大成為美國最大貿易夥伴,並產生貿赤2563億美元。

  中國正改變生產成本、率優勢去逼製造業重新考慮佢地結構,如非重工業、電腦科技或高技術含量,最好快D搬走,因為形勢對佢地愈來愈不利。一如八十年代本港製造業如唔搬離香港,代價極之巨大。

風高浪急一動不如一靜

  令人失望數字係內地工廠只有11%採用「ERP」(enterprise resource planning)及MRP(material requirements planning)軟件,只有7%分析存貨工序軟件及4%採用供應鏈管理。此外,37%計劃移去印度、25%移去越南,而非提升管理技巧。83%工廠仍打算中國生產,認為已經冇計諗。

  美國正面對戰後最大一場金融危機。由1982年開始資產升值潮到2007年10月正式結束,長達二十五年。未來策略係點樣金融風暴中生存、點樣化危為機(當然可利用拋空,上述非一般投資者可做到,因為違反人性)。應否再追入能源股及農產品項目或金?正是遲來三日馬家娘,今時今日已太遲。金融市場咁波動,一動不如一靜,因為好容易做錯!

  點樣熊市中獲利?呢個問題唔易答。依家日本海外資產高達3萬億美元,係全球最大信貸提供者。面對美元不斷貶值,日人只有無可奈何地接受,因為一旦收回信貸會令日圓急升,再次引發日本境內通縮(2003及04年日本十五個月內共購入2500億美元美國國庫債券,才令日本經濟擺脫資產貶值壓力;如將資金由海外調回而令日圓價升穿100日圓大關,恐怕通縮將立即重返日本)。柏克萊外策略員David Woo相信,日圓價見100時,日本央行將入市干預。日經平均指數今年回落18%,已令工業投資增長放緩,日本經濟又再面對另一次衰退(雖然唔少分析家仍相信日本經濟可保持低增長)。涉及利差交易資金高達1.4萬億美元,過去曾為唔少日本人賺取息差養命(愈來愈多日本人依靠食息度日)。率虧損擴大,可引發資金返回日本,令全球金融市場面對巨大壓力。

  穆指出,美國10.3%樓按已經潛水(即資不抵債),涉及八百八十萬家庭。Economy.Com創辦人Mark Zandi估計,美國樓價可由2006年7月高價回落20%。去年美國樓價平均下跌8.9%。跌幅最大係邁亞美,跌17.5%;拉斯維加斯跌15.3%;鳳凰城跌15.3%;聖地牙哥跌15%;底特律跌13.6%;華盛頓跌9.4%;三藩市跌10.8%。表現最好係波特蘭,仍升1.8%;洛杉磯微升0.5%;紐約則微跌1.5%。

追求快樂須改變對財富睇法  何謂「富有」?唔同人有唔同答案。芝加哥Spectrum Group調查所得,45%美國人認為擁有500萬美元算係富有;25%認為擁有2500萬美元財產才算富有;8%認為有1億美元才算富有;至於只有100萬美元者只算「中產」。據美國統計數字,擁有2500萬美元家庭佔總數0.2%,共十七萬五千四百戶。今天買一架Bentley汽車需20萬美元,名貴遊艇更值1000萬美元,擁有2500萬美元已可成為JP摩根大通、瑞銀、高盛、大摩等公司尊貴客戶,有專人照顧你及你家人戶口,並向你推介各種投資項目。至於擁有私人飛機,家財要達到5億美元以上才能負擔,因為每年開支高達330萬美元,又係另一個級數。擁有5億美元財富家庭,可以紐約曼哈頓區擁有豪宅,一般售價2000萬美元;可以養得起超級豪華遊艇矣,家美國約有一萬家庭擁有5億美元資產淨值以上。至於10億美元以上財富者,全美只有二千個家庭。

  在2008年,被視為富有家庭,2500萬美元係最低要求(接近2億港元);真正富豪由擁有5億美元開始。高通脹環境下,擁有100萬美元或以上家庭只係「中產階級」而已!

  研究所得,快樂有50%和基因有關(有人天生樂觀,有人天生悲觀);40%同思想有關(例如知足貧亦樂,不知足富亦憂);只有10%同金錢有關。有錢家庭只較冇錢家庭多10%(或減少10%)快樂;反之,對財富睇法改變卻可增加40%(或減少40%)快樂。至於50%因素係天生,改也改不了。各位睇見唔少貧窮地區人口反而90%快樂(因佢地天生樂觀,加上知足常樂);反之,富人中只有10%人快樂(因佢地天生唔快樂,加上唔知足人太多)。如你追求快樂,並唔需要擁有2500萬美元(甚至唔使100萬美元),只須改變自己對事物睇法,已經可以好快樂。

  所謂知足者貧亦樂,不知足者富亦憂。原來快樂元素中,財富只佔10%!

沒有留言:

張貼留言