熊一可能結束
3月4日，周二。恒生指數跌465.1，收23119.87；成交841.2億元。3月期指跌314點，收23001點；4月期指跌275點，收23020點。期指倒掛現象消失，不過3月期指仍係低水，唔排除恒生指數3月下試1月22日低點，如守得住，港股將進入熊市二期（炒上落市）；熊市一期極有可能今年1月22日已結束。
最危險地方係最安全地方
今天控（005）升0.9％，至120.4元。今時今日存款豐只收到1厘息，反而控股份卻可收6厘幾息（而且仲有機會按年加息10％），點解人們寧可存錢收息亦唔6厘幾息控股份？再次證明買股票目的係賺價，唔係收息。麥格理將恒生（011）評級由跑贏大市下調到中性，令恒生股價跌3.3％，收142.3元，創2月6日以來最大跌幅；中國海外（688）跌4.3％，至14.2元，創2月20日以來最大跌幅；世茂房地產（813）跌5％、中移動（941）跌2％、工商銀行（1398）跌2.3％、信置（083）跌3.4％、港交所（388）跌2.8％。
上周美國調查二千二百四十一個投資者中，一千三百六十一個睇淡，佔60％；四百八十四個睇好，佔22％；中立者佔18％。
美元兌日圓連跌六天，今天東京成103.25日圓（紐約一度見102.62日圓，係自2005年1月28日以來最高）。六天內美元兌日圓急跌2.9％，技術上睇，到100日圓日本央行會干預。
股市近日回落，部分受利差交易拆倉影響。古龍小說名言：最危險地方可能係最安全地方。依家咁多人加入睇淡行列，我老曹反而相信恒指21709點有得守。
花旗推介中信泰富（267）、第一太平（142）、新世界發展（017）及領匯（823）。該行估計中信泰富今年每股獲利2.75元，升11.3％，O十五點六倍，目標價48.1元；第一太平今年每股獲利7美仙，O十點七倍，目標價7.6元；新世界發展2007╱08年度每股獲利1.3元，升10.8%，O十六點六倍，目標價25.5元；領匯今年每股獲利1.68元，減少17.6％，O十一點二倍，目標價22.93元。
國企股下跌空間仍大
滬深A股跌119.6，收4671.15。滬深A股50天平均線下跌，唔排除3月份內跌穿200天線，確認A股熊市。浦發銀行跌9％，收38.98元；滬深發展跌9.9％，報29.75元；招商銀行（3968）跌4.6％。從O角度睇，滬深A股存在巨大下跌空間，依家支持股價因素來自供求不平衡。隨2008年非流通股轉為流通股，加上新股上市及國企紅籌回歸，滬深A股遲早由炒供求返回炒業績。換言之，今年3月確認A股熊市已去年10月出現機會十分大。大家要小心本港國企股O亦好高，過去國企股O係低於恒生指數平均O，家恒生O合理水平（十五倍），反而國企O企二十五倍。如內地A股回落，國企股下跌空間將會好大。
正常情況下，恒指平均O十二至十八倍之間上落，國企O去年8月前仍低於恒指，港股直通車消息刺激下，出現國企O高於恒指O。隨A股進入熊市，國企股調整幅度仍未足夠，估計最少仲有三分一下調空間。
以今年3月港股分析：二線股偏低、恒指合理、國企股仍偏高。從O角度睇，風險最大係國企股。
每一年無論環境點樣惡劣，都有一個或以上購貨點，相信冇人反對，問題係點樣唔受煙霧與鏡花所迷惑，將佢搵出？去年11月開始拋售，代表市場信貸環境已改變，情況較2000年3月科網股泡沫爆破更惡劣，擔心呢次熊市唔係深而短又或淺而長，而係又深又長！油價及食物價格上升，對下層社會人士（或發展中國家人民）影響好大，上述並非高收入人士（或OECD國家人民）所能了解。經歷1997年第三季至2003年第二季負資產港人，應該明白上述感受。投資者波浪滔滔大海中前進，必須制訂策略──未來策略係點樣熊市中生存及戰勝惡劣環境。我老曹另一本書《論戰》將於3月15日出版，希望有助大家制訂今年投資策略。
熊市中勝出有如逆水行舟，但並非冇可能。熊市反彈係用作減持周期性股份（Cyclical Stocks），而非博反彈之用。熊市中保存購買力較賺錢重要，小戰勝作用唔大，大戰勝才可以改變一生，各位小心犯上「Win in the battle, lose in the war!」毛病。美股已確認熊市，港股仍在牛熊交戰，勝負未分，但已強弱懸殊，擔心最後熊勝牛敗。各位一定要Think Global , Act Local，利用國際形勢從中獲利。
1931年Humphrey Neill寫一本書叫Tape Reading and Market Tactics。該書指出，大部分人股票市場蝕大本，理由就係唔肯認輸；即係睇錯大市方向，虧損剛出現時唔肯止蝕。
商品價格仍在Boom，股市則反彈乏力，上述情況對消費者及製造業不利。美國2月份ISM指數跌至48.3（1月份50.7），指數低於50，代表製造業進入萎縮期（去年12月份為48.4）。美元弱勢未令美國製造業復甦，理由係油價及原材料價格上升，令製造業邊際利潤下降。所謂「弱勢貨幣刺激出口、強勢貨幣刺激入口」理論早七十年代破產。
美國淪為全球最大負債國
1993年畢非德曾用4.33億美元收購Dexter Shoe公司，但佢唔係用鈔票，而係靠發行巴郡股票。2001年Dexter Shoe支持唔住，反之佢發行1.6％巴郡股票市值卻升至35億美元！畢非德承認上述係佢有生以來最差一項交易。好多時我地會不知不覺間將高增值項目換入冇前途投資，例如2000年英國前財長252美元沽出英國持有黃金，買入美元債券。曉揀並唔容易，連畢非德亦有時揀錯，更何況一般人！揀錯點算？記住止蝕唔止賺。周一畢非德收回向MBIA、Ambac及FGIC手上municipal債券提供再保，令上述保債公司股價又再回落，會否引發美股新一輪拋售潮？
雖然貝南奇可以直升機擲銀紙，但面對金融機構無償債能力（insolvent），最後邊個力量大？通脹抑或通縮？家睇落兩樣一齊，能源價格同食物價格通脹，股票同物業價格通縮。不過，聯儲局仍未放棄，3月份計劃再減息0.5厘至0.75厘，一如參加越戰（明知輸一樣要繼續打落去）。畢非德認為「The party's over」。樓價下跌壓力下，呢D債保公司最終被迫出售municipal債券保險業務機會極大。美國只佔全球人口3％，卻用去全球人口80％儲蓄，上述情況唔可能長期維持。各國都將手上美元轉為主權基金去購買美國資產，令愈來愈多美元資產落入外國人手中；美國已淪為全球最大負債國！
三卡以上鑽石價錢愈升愈有 工字唔出頭，除八十年代及九十年代初期本港加薪幅度略大於CPI升幅外，由1994年起本港加薪幅度只反映CPI升幅。過去十四年除非閣下升職，不然你收入扣除通脹並冇增加【圖】。我老曹他報上睇到有讀者問，今年三十歲月入3萬多，手上有100多萬元投資，點樣可以四十歲退休？如果問我老曹，答案係問者戇居、答者愚蠢！除非打政府工，可以四十五歲時申請退休咬長糧，由1979年至今美元購買力每年失去5%，至今並未停止。唔好以為每年回報率15%好容易做到，1997年至今恒生指數平均每年只升4%（由16000多點升至23000多點）。恒指成分股公司全都係全港最一流企業，尚且如此，更何況一般人？根據康狄夫循環理論，香港已完成三十年高速增長期（1967至97年），進入十年高原期（1997至2007年），2008年香港極有機會進入十五到二十年回落期，經濟回落期，保本亦有一定困難。至於中國，1978至2008年高速增長期亦完成，正進入十年高原期（2008至2018年），即中國仲有十年炒上落市，香港進入跑輸通脹期。
過去五年，鑽石進入供不應求期。南非轉為黑人政府後，經濟愈搞愈曳，津巴布韋更走上荒謬獨裁之路。南非局勢係令近五年白金及黃金價格大升部分理由，同樣亦刺激鑽石價格上升。去年全球鑽石產量因南美減少40％而受影響；鑽石約50％由美國人買去，中國人、印度人及中東人對較大粒及高品質鑽石較有興趣。佢地購買欲，令三卡或以上鑽石售價今年超過100萬港元一粒，大大拋離一卡約值10萬元或以下鑽石售價。由於美國出現不景氣，相信一卡或以下鑽石價格漲唔起，反而三卡或以上漲完可以再漲，情況有如豪宅同天水圍住宅兩者差距愈拉愈開。
索羅斯睇中國樓市見頂
啤酒生產用原料、輔料、能源、運輸等成本繼續攀升。不過，以燕京啤酒集團為例，七十六個產品中只有五個提價。生產啤酒大麥主要來自澳洲，已經由去年年初170美元一噸升到今年2月500美元一噸，漲幅接近兩倍；反之，啤酒為爭奪市場佔有率，加價品牌並唔多，相信啤酒廠純利將走下坡。
今年1月北京商品住宅開盤平均價13843元一平方米，較高價下降17.7％或2450元一平方米，普通住宅回落12.8％、公寓項目跌29.3％，降幅較大。
人行副行長易綱話，今年內央行唔會對從緊貨幣政策發生任何動搖，銀行向發展商貸款額今年將受到進一步控制。資金壓力下，發展商只有降價出貨。
廣州一手樓成交價1月份維持9000元一平方米左右。深圳銷售均價15000元左右。重慶仍可睇好，北京、上海房價與收入比已達十六比一；重慶只有七比一，觀望氣氛濃厚。
至於成都樓市，春節前後萬科帶頭減價，然後係中海及藍光，引發降價促銷潮。最先係萬科魅力城市降價20-30％；中海則提供十年貼息計劃；藍光以3980元一平方米開盤，引發新一輪減價潮。
睇依家應驗索羅斯三年前預言──中國樓市唔過2008年。
沒有留言:
張貼留言