2008-06-24

O仍高 美熊未完

6月23日，周一。恒生指數跌30.64，收22714.96；成交596.8億元。6月期指低水，跌50點，收22660點。中國鋁業（2600）跌5.7％，收9.73元。洛陽鉬業（3993）跌8.3％，收7.08元，大摩降低其評級。長城汽車（2333）跌6.9％，見5.65元。

航油提價航空股雪上加霜

　　花旗推介中化化肥（297），估計今年每股獲利32仙，升48.5％，O十八點二倍，目標價7.6元。亦推介中糧控股（606），估計今年每股獲利0.5元，上升53.9％，O十點七倍，目標價6.7元。

　　滬深三百指數低收，跌2.1％，收2789.94。金融股續跌，因央行表示將採取更嚴格措施去抑制通脹，令招行、中國平安等股價下跌。中國鋁業亦因半年獲利可能減半而令股價大跌。銅價升至5月高點，今年內銅價上升27％，部分理由係美元價下跌6.3％。

　　摩通downgrade兗州煤業（1171），估計今年每股獲利1.06元，升61％，O十一點五倍，目標價14.6元，因政府6月19日起限制煤價至今年底。此外，摩通認為，大幅提升航空油價，對內地航空股係雪上加霜，對中國國航（753）、東航（670）及南方航空（1055）皆不利。其中影響最大係南方航空，因80％燃油來自內地；國航有關比例只佔50％，另外50％一早已係國際市價。

　　四川地震及今年削減黃金周假期日子，皆不利澳門賭博業。5月份澳門旅客只升22％，約二百五十八萬七千一百四十七人次（中國旅客升30％）。來自內地旅客中，42.5％係自由行，約佔六十五萬八千四百五十四人；升幅最大係東南亞旅客，上升64.5％；即日離開者佔總人數53.7％或一百三十八萬八千四百八十二人（大部分係港客）。上述情況對銀河娛樂（027）、新濠國際（200）及信德（242）皆不利，尤其賭業邊際利潤已因回佣太多而下降。過去三十天新濠股價跌27％、信德跌21％、銀娛跌6％。

　　7月1日起內地加電費4.86％，加上控制煤價，對電力股有利，令華能電力（902）、大唐發電（991）、華電國際（1071）、華潤電力（836）受惠，下半年業績看好。

　　零售油價加17%至25％，對中石化（386）較中石油（857）有利，摩通認為應睇好中石化而非中石油。

　　麥格理認為，中國政府容許電費及油價上升，代表政策上改變，即接受較高CPI升幅，相信好快會放寬銀根。該行推介工商銀行（1398），目標價7.1元、中國銀行（3988）目標價5.4元、建設銀行（939）目標價8.7元；華潤置地（1109）目標價21.86元、合景泰富（1813）目標價9.1元、瑞安房地產（272）目標價10.1元、中國海外（688）目標價18.74元。

　　五窮、六絕、七翻身。我老曹亦希望國企、紅籌股7月份能夠翻身。

　　台北《工商時報》報道，最快本周台灣會開放讓證券商可透過第三國分支機構投資大陸券商。外傳元大金控可能購買最多三分一大陸同業權，26日如獲行政院同意便可宣布，此乃繼富邦金控透過香港富邦銀行投資中國另一家（如成事實話）。台灣不乏資金，但苦無投資項目，如兩地開放，即台資可直接投資中國內地企業，亦容許中國內地企業投資台灣企業，就係典型win-win情況。國共之爭已係六十年前事，真係阿爺代事。美國可以向越南開放、越南亦向美國開放，點解台灣同大陸之間仲係扭扭擰擰？到底點搞！

印度面臨雙赤危機

　　印度股市跌至十個月內最低，因油價上升，投資者從新興市場撤退。印度盧比價本季已下跌6.5％，瑞銀認為仍須進一步回落。雷曼兄弟估計，印度收支赤字將擴大到GDP 3％（2008年1.4％），情況有D似1991年，其後盧比三年內回落42％。印度成為四金磚國中唯一貨幣回落國家；反之，巴西雷阿爾今年升10.8％、中國人民幣升6.3％、俄羅斯盧布升4.2％。理由係巴西同俄羅斯都係石油或牛肉、咖啡出口國，而中國去年外資盈餘2620億美元，手上外儲備16800億美元。印度去年外貿赤字134億美元，財政赤字已等於2007╱08年度GDP 9.1％（上年度6％），雙赤危機令市場擔心印度會繼越南之後……。德銀資產管理繼續拋售印度盧比，估計可見43.4兌1美元。

　　印度SENSEX今年已跌三分一，大摩估計年底可見13324點；如債券孳息率升上9厘，指數可見12355點；如因此令企業純利升幅少於9％，可見10000點。睇落印度股市將進入「幾麻煩」時期。

　　從O角度睇，美股牛市2000年第一季結束，當年標普五百O高達三十倍。根據Vitality Katsenelson著作Value Investing，佢認為每個熊市結束前O都會重返平均O以下。美股平均O只有十五點二倍，但家標普五百O仍高達二十一點八倍，即美股熊市未結束。

　　另一理論係，美國GDP平均每年以5.5％速度上升（包括通脹率在內），但1982至2006年美國國民財富卻以年率7.2％上升，由10萬億美元升上57萬億美元，因此有理由相信，2007年起有一大段日子美國國民財富增長率只有2.5％至3％（包括通脹），即美國進入低增長期。

　　1982年美國牛市開始另一理由係當年O低至只有十倍。八十年代、九十年代企業獲利上升速度加快，但股價上升速度更快，令O上升。

　　2002年10月至07年股市及股價上升係基於企業純利上升，因此令O仍下降。展望未來，美國企業純利升幅減慢，加上O進一步下降，後市美股將加快回落。下一個熊市結束期，標普五百指數O必須十五點二倍或以下【圖】。

冇600萬美元唔好輕言退休　　畢非德精於選股而成為世界首富，今時今日能否繼續透過揀到一流股份、長線持有致富成疑。反之，鄧普頓今年已九十六歲，佢第二次世界大戰開始時購入十隻股份，每隻一百股，第二次世界大戰結束時，佢購入股份其中三分一已破產，雖然係咁，佢整個投資組合仍升200％。其後佢成立鄧普頓基金，漸漸成為全球最大基金，然後賣掉，只為自己投資。鄧普頓投資理論好簡單，就係買入五年平均O較股市平均O低股份，賺錢留下，蝕本一、兩年便賣掉（止蝕唔止賺）。最後鄧普頓基金成為全球最大基金。

　　你計劃退休咩？恭喜你。根據Medicare計算：六十五至八十歲呢段日子，美國單係醫療開支費用便達22.5萬美元（175.5萬港元），而且未計日後通脹。上述開支閣下有冇計算在內？《巴隆氏》計算所得，退休後如要安享晚年，積蓄不能少於500萬美元（3900萬港元），最好係600萬美元（4680萬港元）。可以講，退休係幾昂貴事！上述已經假設閣下到六十五歲才退休，如要提早退休，費用更大！當然，閣下未必真正需要500萬至600萬美元才退休，只係退休後必須慳儉一D，有病睇公家醫院唔好幫襯私家醫院，少去遊埠及唔好亂使錢。我老曹希望告誡年輕人，唔好郁D就話退休（除非你擁有600萬美元以上財產）。