2007-08-30 曹仁超

害人終害己

　　8月29日，周三。恒生指數跌343.16，收23020.6；成交1042.1億多元。8月期指跌314點，收23000點；9月期指低水，跌309點，收22953點。
　　今天東方海外（316）除息，股價跌11％，見80.6元，係2002年8月以來最大跌幅；江西銅業（358）跌10％，見18.32元（過去7個交易天升72％，而半年純利減少2.8％）；國航（753）升4.4％，見9.06元，因半年純利上升三倍；國泰航空（293）跌5.4％，見20.25元，因美林建議沽出。數碼通（315）升12％，見9.6元；中海油（883）跌3.9％，見8.87元，因半年純利下跌15％。

　　滬深A股回落1.52％，見5171.82。

中證監警告企業純利靠投資升值??股票市場又再meltdown。過去幾天港人炒起紅籌、國企股，以為內地資金會來港接火棒，結果可能係害人終害己，只為外國對沖基金提供獲利機會。A股同H股?關係，一如我老曹1971年輸?5萬大元之後才明白，美國大豆係唔同東京大豆?道理一樣（雖然係同一類貨品）。

　　日圓一度升穿114兌1美元，至今為止日圓兌美元已升值8％，分析家相信短期內重見112日圓，因為擔心美國第四季經濟可能衰退。日本7月份工業生產估計將回落，7月份CPI扣除食品、能源回落0.1％；日本經濟再次陷入通縮，因此，9月18－19日日圓加息機會只有30％。

　　中國證監會提出警告，中國企業純利過分依賴股票上升而非核心業務，一旦股市回落，將令唔少企業純利亦受影響。大摩策略員計算今年上半年中國企業純利平均上升76％，如扣除證券投資升值因素，純利升幅只有41％。7月進入股市?資金十分龐大，因中國CPI上升5.6％，而存款利率只有3.6厘。上述環境下半年正逐步改變。

　　7月28日恒生指數過分拋離250天移動平均線，引發7月28日至8月17日調整後反彈，後市可能在19300至23700點之間上落，去糾正過去過分自信及過度槓桿?問題。

　　美國信貸泡沫因次按出問題而爆破，中央銀行介入後短期提供資金，但中長期睇，信貸萎縮趨勢無可避免。一個疲弱?物業市場最終必影響消費，呢方面要較長時間才顯露出來。次按問題不但困擾2007年，同時困擾2008年，如美國樓價再回落10％，對70％美國家庭影響係點（因為佢地都係小業主）？呢方面港人較易理解，因為港人曾經歷1997至2003年樓價回落65％?時期。美國回落幅度應該無咁大，影響係點則木宰羊。

流動性唔係蚊年

　　格蛇認為流動性唔係蚊年（Liquidity is not money）。格蛇係對?，流動性只係一個現象，主要由投資者信心產生，而非真正資金，即投資者願承擔較大風險而忽視危險?現象，而令交易品交投暢旺，令唔少人以為可隨時套現；但當真正出現集體套現時，價格便會急跌，例如7月26日至8月17日?恒生指數。市場受次按影響，突然之間流動性減少而引發恐慌性拋售，完成一次buy high and sell low（散戶喜歡高價追貨、低價出貨）。我老曹過去一再強調，成功投資者應該將99％感情移走。做人要有人情味，但投資要無人性。7月26日至8月17日恒指急跌，理由係信貸流動性危機；8月28日起恒指再度下跌，係內地開放個人資金自由行宣傳所產生?逆反效應（oxymoron），係A、H股差價被過分宣傳所引發?反效果，一旦信心動搖，另一次拋售又開始。次按問題所引發?環球性流動性不足，雖然無法侵襲中國（因中國有外匯管制呢個保護網），卻可隨時攻擊香港金融市場（本港無外匯管制）。未來12到18個月環球金融市場仍面對次按問題逐步惡化。

　　香港金融市場自1997年8月開始，早已進入達爾文式狀態（適者生存，弱者淘汰）；反之，內地金融市場仍處資本主義初階（百花齊放）。創造中?破壞過去十年在本港經濟隨處可見，??弱者?命運好多時被連根拔起，例如紮鐵工人，佢地擔得起幾十斤重?鋼鐵，卻擔唔起頭家。此乃點解30歲前唔信共產主義?年輕人係無理想，30歲後仲信共產主義?中年人係無腦。共產主義主張「人人為我，我為人人」?烏托邦，係有理想年輕人嚮往?世界；但現實世界卻係達爾文式，例如3％人口擁有整個社會50％財富，80％人口只能分享社會全部財富20％，如無政府介入，整個社會生態系統必然發展成為貧富兩極化（例如中世紀歐洲地主同農奴?關係），一如今天環保亦須政府介入道理一樣。但政府扮演乜?角色？1933年美國總統羅斯福曾引入「新經濟政策」，採用凱恩斯經濟理論改革資本主義，引發一次繁榮期，後遺症係高通脹。1980年列根總統採納供應學派佛利民?主張，利用貨幣政策刺激供應上升、壓抑通脹，再引發另一次繁榮期。到2003年6月當美元利率跌至1厘後，係咪供應學派見頂之時？

　　1978年中國宣布改革開放政策，引入資本主義經營方式改革共產制度，然後係東歐、蘇聯變天，全盤接受西方資本主義制度。1995年印度亦放棄社會主義理想，採納資本主義制度。21世紀係資本主義風行全球?日子，中國哲人?智慧係咪到?「亢龍有悔」？環球投資者認為中國、印度、東歐、俄羅斯、南美洲興起，最終將成為另一個日本或西歐，今時今日投資呢?市場可能買貴，但唔會買錯。我老曹意見係，1967年香港經濟進入30年繁榮期，但?唔適當時刻入市，例如1973年3月、1981年8月、1987年10月，眼前損失可以好大，呢類「黑天鵝事件」唔係極之稀少，而係經常出現。長期經濟向上，唔代表短期經濟無調整，呢?短期調整（例如1973年3月至74年12月）亦可以致命。

估頂容易估底難

　　最近美國次按問題開始向全球蔓延，格蛇警告美國今年第四季有三分一機會出現衰退！過去貝南奇基於學者性格自然唔信（直到有數據出現為止）；8月17日聯儲局突然減貼現率半厘，代表後知後覺?貝南奇亦感覺事態嚴重。全球中央銀行數以千億美元計?資金注入金融市場，引發8月17日?反彈，令天真?分析員又?度高唱明天會更好。恒生指數更借用內地開放個人資金自由行?消息將之無限誇大，?國企、紅籌股帶動下，8月28日恒指更創新高。金融市場係咪雨過天晴，抑或醞釀緊另一場更大?暴風雨？我老曹非先知，旺市莫估頂、淡市莫估底。憑38年投資經驗知道，估頂容易估底難，請帶上你?鋼盔，同時行騎樓底整多把雨傘（安全第一）。國企、紅籌股今年上半年業績好到你唔信，但今年下半年又點？明年上半年又如何？股市無過去，只有將來，應否好消息出貨？鋼鐵大王?成功投資策略係，當工廠訂單如雪片飛來，公司決定興建多幾間煉鋼廠，然後叫經紀拋清手上?鋼鐵股，認真無人性也！

　　8月份美國消費信心指數105（7月份112.6），引發美股周二又大幅回落。9月15日美元會否減息？

　　根據聯邦公開市場委員會8月7日會議紀錄，當天有關成員已開始擔心金融市場情況，並同意要採取政策以免信貸情況影響經濟增長，但成員唔同意減聯邦基金利率，因為通脹繼續令人擔心。10天後聯儲局宣布減貼現率至5.75厘。但聯邦基金利率唔變。至於9月18日聯儲局態度會否改變？

　　周二美國二線零售股Cost Plus股價成5元（幾個月前係10元）、Pier I成6元（幾個月前成9元）、Sharper Image成4元（幾個月前成12元）。美國零售股價大幅回落，到底反映乜?？地產股如P.R. Horton、 Lennar Centex、 Pulte Homes全部跌幅超過3％，美國房地產幾乎病入膏肓。7月份美國二手樓價銷售出現連續第5個月下跌，係過去5年最差?月份。第二季二手樓價較1年前回落3.2％，係近20年內跌幅最大?一季（上述包括20個最大城市，只有3個城市上升，就係沙羅特升6.8％、波特蘭升4％、亞特蘭大升1.6％；跌幅最大係底特律跌11％、聖地牙哥及坦帕跌幅超過7％）。

　　新華財經與e龍數據聯合進行調查顯示，8月份中國消費信心指數全線下跌至100.7，較7月跌1.3％，創今年4月指數推出以來新低，係連續第三個月下跌，其中又以家具及家電跌幅最大。完全唔進行股市投資?消費者亦猛跌至43％（7月份係50％），將一半或更多收入投入股市者所佔比重由4月份9％上升至12％。換言之，如內地A股下跌，必定影響內地消費。認為依家係極佳購房時機者較7月份減少23％，認為係極差時機者由7月27％升上30％。收入群體中，消費信心跌幅最大係年入4.8萬元者，信心下降1.8％，至105.1％；少於4.8萬元者信心下降0.6，至96.1。20至34歲信心下降1.8，34至54歲信心下降1.3，55至64歲信心只跌0.7。地區而言，北京信心下降1.3，見99.5；上海下降0.7，見99.8；廣州下跌2.3，至100.8（可能受香港股市下跌影響）。

　　過度分散投資，有如同時同40位女性談戀愛，即使你可以應付得來，亦一定早已被煩死。