2007-12-11

牛眼投資法改變一生


　　12月10日，周一。恒生指數跌341.37，收28501.10；成交1130.86億元。12月期指仍係高水，跌465點，收28531點。美元由11月23日低點回升，因為74％分析員估計12月11日聯儲局只會減息四分一厘，人民幣則會加快上升。中石油（857）跌3.5％，見15.32元；中海油（883）跌2.3％，見13.56元，油價回落至87.69美元一桶。控（005）跌2.1％，見133.8元，北美分公司第三季純利下降 35％，瑞銀更估計第四季可能出現虧損。建行（939）跌2.4％，見7.33元；交通銀行（3328）跌2.5％，見11.9元；碧桂園（2007）跌 3％，收9.72元；世茂房地產（813）跌4.6％，見21元。但新上牌中鐵（390）再升5.3％，見7.75元；利豐（494）升2.7％，見 32.5元。今天上牌東岳集團（189）則跌破招股價，跌12％，見1.9元。 政策市非港人能了解

　　滬深三百指數再升1.8％。中國鋁業升8.7％、國航升5.8％、南方航空升4.6％、東方航空升4.2％。中央宣布將QFII投資額擴大到300億美元，即外資可增持A股，上述消息抵銷存款準備金率上調至14.5％影響，令內地A股進一步上升。呢D叫政策市，非港人所能了解。

　　花旗推介恒地（012），目標價90元，估計2007年度每股獲利3.1元，較2006年度減少3.2％；2008年度每股獲利3.69元，上升18.9％。

　　路透社12月10日紐約估計，標普五百第三季純利係負增長3.3％，第四季進一步下跌（之前估計上升1.5％，上周估計升2.5％；10月1日前估計上升11.5％）。

　　牛眼投資法宗旨係：一、每年都有唔少股份跑贏大市許多，如你放棄揀股，只睇大市方向，代表你並冇用心分析個別股份。二、上述股份可透過好古老基礎分析法發掘出來，過去畢非德可以，你都可以。三、呢D股份一旦被發掘出來，股價往往一年內可上升100％甚至1000％。四、呢類股份起步初期公司仲係好細，但充滿革新精神。例如亞瑪遜、星巴克都成為高增長股，但同時好危險，因為一旦失去增長動力，股價又會急跌，所以需要牛咁眼睇到實。例如Nutri System公司唔係協助大家減肥，而係準備一餐之前，以十分有營養但食唔肥東西先填飽你個肚，令人減少食垃圾食物；該公司股價2005至06年一共上升2124％！再以蘋果為例，1983至2005年整整二十二年都冇大作為，但過去兩年股價上升180％，可見iPod威力。好多分析員抗拒牛眼投資法，認為普通散戶點能跑贏大市？事實上係可以，我老曹已向大家證明可以！有人會質疑你點可用5萬元、10萬元去賺100萬元？（朋友，你賺唔到，唔代表別人唔可以）。亦有人話投資二線股風險太大；只要利用止蝕唔止賺策略，你最大損失係本金15％（行使止蝕），風險邊度？亦有人認為咁做太投機了。對於我老曹而言，唔做功課去買股票才係投機，做足功課才買股票係保守投資者（雖然你一年內可能賺到100％以上回報）。難道買可口可樂等大企業才唔算投機？可樂股價由2000年至今並冇上升，反而回落。邊個話大企業穩健?!過去十年大企業股價不升反跌例子多籮籮。

　　追隨趨勢，找尋突破，揀股唔炒市。追求100％回報一年並非唔可能，當然亦唔係容易。各位嘗試二線股中找尋十隻閣下認為有機會明年上升100％項目，任何一隻虧損15％便止蝕，然後將資金投入其他九隻……如此類推。利用汰弱留強，找尋明年會上升100％或以上二線股。如十隻二線股都須止蝕離場，你10萬元投資仲剩下8.5萬元（損失唔大）；如有五隻跑出，計計回報率係幾多？因為好多時個別股份升幅甚至超過100％！冇人保證你一定成功，不過如你連嘗試勇氣都冇，便唔好羨慕別人。如第一年唔成功便第二年，第二年唔成功便第三年……夜以繼日地學習揀股投資法，最終你必擁有金手指。請記住「買乜？何時買？買幾多？」才係正確投資態度。希望牛眼投資法最終能改變你一生！

中國未來堅持好字先行

　　從一年一度「中央經濟工作會議」分析國內形勢，為宏觀經濟把脈，可以清晰看出未來五年經濟新路向已由量取勝走向以質取勝。未來中國堅持以「好」先行，加快轉變經濟發展方式！唔再係2005年強調「又快又好」，2006年改為「又好又快」，今年係「好」字先行！過去中國經濟高速增長來自高投入、高消耗、高污染、低產出粗放型增長方式，依家已面對能源、資源瓶頸，環境及污染加重，明年大方向係節能減排先行。農業基礎地位不能動搖，係1985年以來再次把農業提升到重要地位，包括以工促農、以城帶鄉機制。貨幣政策緊縮，糾正外貿增長粗放方式，減少國際貿易磨擦壓力。商務部負責人表示：2008年堅持以質取勝！

　　2008年推行七大領域體制改革：一、經濟體制改革。二、建立投資專案評價制度及責任追究制度。三、有步驟地推進資源型產品價格改革及環保收費改革。四、推動電網企業廠、網分開所遺留問題，研究電信企業業務改革模式。五、深化醫藥生體制改革。六、落實中小企業服務體系建設規劃。七、起草《企業投資專案標準和備案管理條例》，修改《政府投資條例和投標法》，盡快出台《企業債券管理條例》。

　　2008年實行貨幣政策從緊，人行強按信貸龍頭，意味住2003年起高增長、低通脹時代結束，估計人行明年可能加息一到兩次，將明年通脹率降至3.8％。

　　豐銀行環球研究組認為，中國中央經濟工作會議講易做難。首先，出口佔中國GDP 45％，大部分產品唔係最終運去美國就係運去歐洲。展望明年美國同歐洲GDP增長率將放緩，已係中國出口其中一個風險，如中國政府加強打壓出口業，會否過分抑壓出口增長而帶來損失？第二，美國聯儲局在減息，中國人行可以加息幾多次？家美元與人民幣利率差正逐步消除，如人民幣利率過分推高，反而會引來更多資金流入。如要消除流動性過剩，存款準備金率必須推高至17％而非14.5％，才能有效阻止借貸增加。明年逐步放寬能源價格管制，短期將推高CPI而非壓低CPI，因此估計明年人民幣再升值7％機會好大。

　　畢馬威中國認為，中國未來將成為全球最重要資本輸出國，而上海將扮演重要角色。該公司金融服務主管合夥人Simon Gleave認為，A股股價係H股溢價60％理由，主要係中國資本市場產品供應不足，形成過量流動性，因此應擴大資產供應，如鼓勵投資海外資產或將更多優質資產注入股市，以及發展債券市場等去滿足公眾需求，而非通過緊縮去抑制公眾需求。好多企業希望A股市場上市。第一係價格優勢，A股O較國外市場高好多；第二、唔少企業毋須外幣融資，因此上海崛起成為世界另一金融中心機會十分大。

內地樓市出現最後一根稻草？

　　1978年開始改革開放政策，令中國成為過去三十年貿易增長最快及貿易依存度最高國家，由此帶來巨大貿易盈餘，開始面臨各種各樣問題。巨大貿易順差令貿易磨擦上升，由此產生流動性過剩推高中國房地產及股市，同時中國地區差距因國際貿易經濟地理效應而持續擴大，因此改變經濟發展方向呼聲愈來愈高。借助貿易去帶動經濟增長，係所有新興國家採用手段，如不及時改變方向，加上境內金融體系發展與改革嚴重滯後，無法處理巨額貿易順差所帶來外收益，將產生本國貨幣大幅升值及流動性過剩，日本、東南亞甚至香港、台灣……，真係例子一籮籮，已唔使我老曹一一數清楚；加上今年美國出現次按危機，中國政府看在眼裏，自然決心防止類似事件中國重演，因此決定12月25日起將存款準備金率上調至破紀錄14.5％水平，再凍結近4000億元人民幣資金。一直火熱內地房地產市場及股市，10月份不約而同出現「寒流」，廣州十二宗土地中，有兩宗無人競投、兩宗底價成交，其餘亦冇出現以往墟場面。滬深A股由10月17日5891點回落到11月28日4619點，跌幅超過20％，技術上睇淡勢已成，最近反彈至5040點只有9.13％，乃典型反彈市。如跌穿前低點4619點，便可確認跌市，資金鏈可能斷裂，值得注意。

　　中國資源稅改以價計而非量計後，對賺錢多資源企業成為一項負擔，導致資源產品由出口轉為內銷，有助減少中國明年外貿盈餘。

　　11月起北京、上海、深圳城市樓價走低，未能肯定轉折點已出現，但要小心。清華大學教授李稻葵表示，上調存款準備金率將加速樓價回落，「最後一根禾稈草」已出現了嗎？中金公司宏觀經濟分析師邢自強認為，貨幣增長根源並未消除，呢個根源係率因素。中央採取「小步快跑」率政策，導致全球資金湧入中國，形成貨幣高速增長，係產生流動過剩根源。雖然人民幣每年升值10％，資金仍然流入中國。