2008-01-26

最大反彈可見27000點

　　1月25日，周五。恒生指數升1561.04，收25100.31；成交1266.6億元。1月期指升1435點，收25075點低水。

　　礇控（005）升5.1元，見120.5元；利豐（494）升8.4％，見27.7元；中國遠洋（1919）升8.8％，見17.34元；中石化（386）升11％，見9.37元；聯想（992）升15％，見4.75元；香港中旅（308）升8.4％，見4.53元；中石油（857）升8.6％，見11.88元；中海油（883）升8.9％，見11.74元；交通銀行（3328）升12％，見9.89元；思捷環球（330）升14％，見97.5元；長實（001）升7.5％，見131.4元；富士康（2038）升17％，見14.52；工商銀行（1398）升8.1％，見5.2元。

　　2007年香港新造樓宇按揭上升52％，共2139億元，係1997年以來最多。2003年至今，本港住宅樓價差唔多已上升100％。

　　滬深三百指數升1％，收報5077點。萬科升6.6％、燕京啤酒升4.7％、浦發銀行升3.4％。

　　股市鮋up and down為投資者提供大量In and out機會。最怕係月初In、最近out，止蝕之後港股又反彈。恒生指數唔排除可完成最大反彈（即前跌幅61.8％），見27000點以上；上落市從來唔易玩，照道理呢次反彈可保持到1月底、2月初。

一切應急措施已開動

　　美國商業部宣布12月新屋動工減少14％，只有一百零一萬間，係十六年來最差；周四公布二手樓交投12月份跌2.2％，只有年率四百八十九萬間，係二十五年內最差。2007年全年Single-family房屋銷售較2006年跌13％，係1982年下跌17.7％以來最差，平均售價下跌1.8％至21.7萬美元，係1968年以來首次全年售價較前一年下跌。1月19日止一星期新創造職位三十萬一千個，較前一星期三十萬二千個微跌，亦係去年9月以來連續四星期減少，大量數據指出美國經濟有可能出現軟覑陸（一季GDP負增長）及50％機會出現衰退（兩季GDP負增長）。周五國會將通過布殊總統1500億美元刺激經濟計劃，再加上聯儲局已減息0.75厘，係2001年「九．一一慘劇」以來首次通過視像會議決定減息及相信1月29、30日再減息半厘；一切應急措施已開動，以阻止美國經濟陷入衰退。

美國經濟又矮又肥

　　依家美國經濟已變成又矮又肥，一旦跌下來都幾難令佢重新企起身。情況有如1990年日本經濟變得又矮又肥，跌倒後至今仍無法企番起身。1997年8月香港經濟一樣變得又矮又肥，好彩我地有個力大無窮母親（中國），透過自由行、CEPA、大量國企、紅籌來港上市、QDII甚至港股直通車（雖然至今仍未開出），終令香港呢個又矮又肥經濟重新企番起身。反觀冇中國幫手台灣股市，自1990年2月由12498點回落至今仍未企返起身。
　　最近小女架四驅車因幾個星期冇而無法開動，我細佬架CARMY電池無法Jump start小女部四驅車，最後由豐田救車隊車大電池才搞掂，原來四驅車係無法用私家車電池重新啟動。1978年香港經濟有能力Jump start中國經濟，因為1978年香港GDP較中國GDP大；2003年中國可以Jump start香港，理由係2006年香港GDP亦只有1.27萬億元、中國GDP已迅速增長至15.988萬億元人民幣，係香港GDP十二倍，咁巨大電池自然可Jump start香港；反而日本GDP 4.6萬多億美元，係中國（1.932萬億美元）二點五倍，即中國GDP係冇能力Jump start日本。美國GDP係11.712萬億美元，一旦衰退，除非全球聯手，不然冇一個國家有能力重新啟動呢個巨型引擎。
　　自1971年美元唔再同黃金掛後，過去三十六年美國政府不斷用貨幣政策重新啟動呢部機器，包括1974、1982、1991、2001年……。2007年美國經濟能否再用財政政策阻止佢停下來？咁就木宰羊。

　　香港呢一代都股市回落後可以再創新高時代長大；冇人相信股市可以一沉不起。反而日本新世代卻股市同樓價不斷下跌中（1990年至今）長大，佢地明白當你購入一隻股票時你係用自己儲蓄下來錢去冒險，因此只有肯定該股有上升潛力時才投資。上述心態台灣人或者明白，但香港人仍未經歷（亦希望唔使有咁經歷）。投資成功唔係靠祈禱或一味靠估，而係靠策略。你2008年投資策略係點？

　　美股已確認熊市──依家係博熊市反彈。博反彈一向係專業行為；例如MBIA一天之內上升32.6％及Ambac Financial周三升72％。香港亦有類似上述升幅股份，但散戶事前能否捕捉到？聯儲局同大灰熊搏鬥中賺錢？我老曹冇咁本事。經過11月到1月急跌，相信2月份美股波幅漸漸收窄，呢三個月內大灰熊所造成破壞，短期內無法修補。點樣保本？如何控制風險？大部分大金融機構呢次表現都唔合格！信心動搖後，過去大金融機構呼風喚雨能力將大打折扣。2000至02年三年熊市需要五年時間才可修補，更何況2007年納指亦未重返2000年水平。最近道指熊市才出世三個月，通常熊市分三期……（太老餅啦，唔係人人都識咩）。大家都聽過保力加通道（Bollinger Bands），各位或可利用保力加通道去搵食。

　　家注意力重返滬深A股。1967至73年美元不穩，香港股市被外資炒爆然後飽食遠颺；1973年3月7日恒指1774點要到1986年聯交所成立、外資重返香港後才再次打破，前後十三年（1990年外資日本股市飽食高飛時，我老曹曾大膽預測日股要衰十三年。事後證明日股較估計中更差，2003年只係日經平均指數見底，而非1987年香港打破1973年高位）。滬深A股依家情況同七十年代香港接近，出口帶動加上奧運概念下2007年10月進入極度偏高期；相較1973年3月港股及1990年1月日股O，當年恒指O超過一百倍，日本O超過八十倍仍唔算太高。理由是中國仍有外管制，經濟制度係半計劃、半市場化（政府影響力極大）。未來A股係咪步1973年港股或1989年日股後塵，繼續炒爆為止？抑或係中央政策調控下出現回落？2007年年底A股市值4萬億美元，相等於2006年中國GDP 125％（1989年日本股市GDP 157％、2000年3月美股GDP 185％），1990至92年三年內日股回落48％至相等於GDP 73％，2000至02年美股回落56％至相等於GDP 50％。

追隨趨勢而非猜測趨勢

　　如以上述方式推算，滬深A股未來三年下跌空間可達39％至58％，滬深A股短期又可能繼續升25％（日本1989年水平）或48％（美國2000年水平）才爆破。即2008年A股有機會上升25-48％，亦有理由回落39％至58％，你話開邊瓣？你問我、我問邊個。Nassim Nicholas Taleb暢銷書《黑天鵝理論》：不要相信自己有預測能力。追隨趨勢，唔係猜測走勢，希望所有分析員都有勇氣講「呢個我唔知道」。今時今日你投資組合係咪處於平衡（balance）狀態？即包括股票、房地產、外、債券及黃金而非傾斜向某一項目。你有冇採納資產配置法（asset allocation）？恐懼性拋售固然唔，但經常估底亦係一般人常犯錯誤──淡市莫估底係1974年我老曹和記身上失去80％財富才學返；已講三十二年仲經常發現唔少人極之有興趣估底。其實你估到底又點？最多買平10-15％，但所承擔風險極大。點解仲有咁多人醉心於估頂、估底遊戲？真正理由係想證明自己幾醒，但股市專收醒目仔。

　　1967至80年動搖美國經濟係高通脹。例如尼克遜逼聯儲局主席伯恩斯印美鈔去支持越戰、福特總統退稅計劃對付石油危機，重新啟動通脹，以及卡特總統認為通脹成因好神祕；不過佢委任聯儲局主席伏爾克卻證明通脹絕不神祕──治通脹良方係利率高於CPI增長率2厘或以上。上述良方格老一直遵守直到2001年「九一一」事件後，才不理三七二十一瘋狂減息。2007年9月貝南奇為對付次按危機又一次瘋狂減息救市；另一有趣例子係九十年代日本政府亦拚命減息及增加貨幣供應欲製造通脹卻唔成功。原來面對衰退時通脹率會自動自覺乖乖地咁靜下來，日本人有錢只會進行利差交易而非炒樓、炒股票。
金價有機會在今年見頂

　　2月期金重返900美元以上，收905美元，2007年金價上升36.5％，跑贏大部分國家股市指數。2008年表現依舊強勁，850美元已成為強而有力支持位。黃金1913年聯儲局未成立之前，係全球唯一通行貨幣。聯儲局成立目的係令美元成為全球通行貨幣取代當時黃金地位，1933年美國政府下令禁止美國人擁有黃金（1975年才取消）及1943年美國同英國訂立金本位制去重建戰後經濟。訂立一盎斯黃金兌35美元，別國貨幣只可兌換美元同英鎊。此一制度六十年代受到攻擊，1971年美國宣布浮動率制度。如以1943年美元購買力計，2007年金價應值440美元。上述可解釋金價1980年見850美元係偏高回落理由，2000年252美元係偏低而上升。世上沒有「合理價」這回事，任何產品售價不是偏高便是偏低。七十年代全人類對美元失去信心，可令金價見850美元，2000年全人類對美元信心爆棚，金價又可見252美元。根據上述波幅制訂未來金價，上望2000美元才相等於1980年850美元。我老曹相信機會唔大，因為二十一世紀出現歐羅，唔似1980年前選擇只有黃金同美元。我老曹否定金價可見2000美元推測。再看1964至79年黃金牛市共十五年，但金價1971年才開始真正浮動，合共九年。呢次黃金牛市2000年開始，如果只有九年即2008年有機會見頂。

　　依家金價如以購買力計已進入偏高水平，支持金價上升力量自對美元投不信任票。一旦對美元恢復信心，唔排除又係黃金另一個回落周期。