2008-01-24

分析員習非成是

　　1月23日，周三。恒生指數升2332.54，收24090.17；成交1563.5億元。1月期指高水，升2412點，收24215點，代表後市繼續睇漲。

　　今天長實（001）升12.2元、新地（016）升13.2元、太古A（019）升7.6元、控（005）升11.8元、恒生（011）升11.9元、中銀香港（2388）升2.28元、中移動（941）升11.4元、港交所（388）升12.8元、國壽（2628）升4.35元、中石油（857）升1.68元。

　　滬深A股亦大升，太平洋保險升6.3％、南京銀行升4.7％、美的電器升8.4％。

50天線跌穿250天線才確認熊市　　由於1月底銀行可能再減息0.25厘到0.5厘，估計呢次反彈可維持到1月底2月初。恒生指數跌穿250天線後開始反彈，由2007年10月30日31958點回落至2008年1月22日21709點，如反彈前跌幅30％，可見24756點。美國第四次減息落重藥減0.75厘；加上月底有可能再減息0.25厘到0.5厘，可以將恒指短期推高。250天線唔係牛熊分界線，只有50天線跌穿250天線才確認牛市死亡。香港太多分析員已習非成是，去年8月已錯一次，2008年1月再錯多次。家形勢係美股已出現熊市，港股仲係牛熊共舞，直到有一天恒指50天線低於250天線為止。至於港股最後追隨美股進入熊市抑或係一直維持牛熊共舞？便要事後才知道。

　　高盛認為，原材料股遇上頂頭風，鋼鐵股、鋁業股、玻璃股、銅礦股都面對壓力；反之，金價、煤、水泥仍上升。同係資源股，卻同股唔同命。

　　美國經濟增長放緩，影響香港出口地位，估計今年美國入口增長率只有0.7％；歐洲亦受影響而令入口增長放緩，令中國產品經港出口升幅由先前估計10.4％降至5.6％。

　　美股回落影響港股，已大大動搖香港投資者信心，令今年銀行來自上市集資佣金收入及利息收入均大減，而令本港金融股純利升幅則減慢。

　　聯制度令香港今年再次進入負利率時代，內部消費上升（去年第四季二手樓交投上升178％）。估計今年上半年減息1.5厘，令地產受惠，但今年下半年影響力減退。換言之，香港樓價有機會上半年見頂，第三季開始穩定下來。

港再次進入負利率時代

　　本港通脹率今年估計達3.7％，明年估計達4.8％。今年香港再次進入負利率時代，對股市及樓價有一定影響。港元弱勢又可引發外資拋售港股；兩大因素互相影響下，今年港股應出現大上大落場面。

　　去年11月至今，表現最出色係公用股，最差係國企指數，香港地產分類指數則大上大落。今年投資者宜任憑風浪起、穩坐釣魚船。今天恒指回升10.72％，係亞太區升幅最大（新加坡只升1.1％），因香港銀行宣布減息0.75厘；美林分析員Willie Chan認為，港股跟隨美股出現熊市機會好低，並估計今年住宅樓價可上升15％，支持港股再上升。瑞信分析員Clifford Lam認為，港股經調整後，現價已合理，負利率可將港股進一步推高。

　　瑞銀認為，依家係黎明前黑暗，隨美國經濟今年放緩或走下坡，估計今年第一季及第二季美國GDP扣除通脹係負1％及負1.5％增長，第三季才回升到正增長1.5％、第四季2.5％。美元利率今年年中可見2.25厘，而非之前估計3.25厘，即未來仍有條件再減息1厘，令香港今年再次進入負利率時代。1990至97年香港出現負利率兼經濟向好；呢次只係負利率但經濟向淡，估計對香港GDP仍可產生一定刺激作用，令本港地產股向上炒。

　　豐銀行分析員維持睇好新興市場上升動力，認為經過三個月調整後，依家係Bottom fishing in stormy waters時刻（混水摸魚者也）。其睇好非人壽類保險股、房地產股、工業股、化工、石油設施及服務股，並推介中國遠洋（1919），認為已回落到合理水平，可以吸納。

　　花旗推介東方航空（670）、中國海外（688）、嘉里建設（683）及領匯（823），理由係睇好人民幣升值及香港減息對本港地產有正面刺激作用，並認為本港地產股尤其收租股可睇好；反而內房股面對人行可能加息，上升空間有限。

　　去年10月以大摩信貸策略部負責人Greg Peters為首分析員認為，歐洲同亞洲可以同美國兩不相干（decouple）。依家證明歐洲同亞洲股市只係落後美國，而非兩不相干，道指去年10月11日開始回落，恒指10月30日才回落；上述背馳現象過去亦曾出現，而非乜decouple。雖然來自中國對香港影響愈來愈大，香港仍未有條件同美國經濟兩不相干，尤其聯繫制度仍存在（一紙婚書仍然有效，雖然唔少香港人已返深圳包二奶）。

　　大摩認為，歐洲股市只係出現熊市反彈。該行提供1970年至今每次美國減息0.75厘以上時歐洲股市表現，最威一次係1975年2月4日美元利率7.25厘減至6.5厘，一個月內歐洲股市上升10％（因牛市剛開始）；減幅最大係1980年5月20日美元利率減4.75厘，但歐洲股市只升4.9％；1981年10月6日美國減3.5厘，歐洲股市只升2.4％。換言之，美國大幅減息未必令歐洲股市上升，一切視乎係牛市或熊市而定；上述分析好有啟發性。周二美國聯儲局減息阻止美股直插，到底有冇改變人們對美國經濟衰退恐懼？

　　聯儲局減息0.75厘，令周二Ambac Financial Corp股價反彈29％，雖然公司宣布第四季大幅出現虧損。減息對次按保險公司有一定幫助，但能否挽救Countrywide及Washington Mutual？減息作用有如降落傘，可減慢下降速度，令經濟完成一次軟陸，但同時卻延長衰退日子。

恒指仍然牛熊共舞

　　芝加哥期交所VIX指數見30.8，打破重要心理位30，代表美股極度超賣。有減息0.75厘支持，美股一次強力反彈應冇問題，但威力已唔及2007年8月17日次。因為道指50天移動平均線已低於200天線，出現死亡交叉【圖】，確認美股熊市，唔似8月17日只係跌穿200天線可出現強力反彈而形成Deep V（美股習慣用200天線；恒指習慣250天線）；反之，恒指並未出現50天線低於250天線，仲係牛熊共舞而非牛市死亡，所以今天反彈力度咁勁。

　　邱吉爾有以下忠告：如果你不懂得點樣公眾人士面前用充滿自信及力量說話去講出你想法，便應設法避開群眾。對群眾講話係一門藝術，唔係人人可以也，有頭有面者應努力避開。

　　呢次聯儲局宣布減息0.75厘，投票係八票贊成，只有聖路易聯儲銀行主席反對，認為應正常會議日才宣布。好消息係貝南奇終於明白次按事態嚴重，壞消息係佢知道得太遲，大約遲一年。呢次聯儲局匆匆減0.75厘，代表聯儲局亦panic，要透過視像會議去決定大幅度減息。睇美國經濟病情令人擔心。

　　經濟歷史學家Charles Kindleberger認為，金融市場分為三部分「Manias, Panics, Crashes」。當經濟進入狂熱期，政府財金官員有責任冷卻它。上述係1990年《信報》要求香港政府放棄聯制度理由，因為到出現恐慌性拋售時才做已經太遲。如處理得唔好，例如1997年亞洲金融風暴出現時港府仍推出八萬五房屋政策、金管局仍採取挾息打大鱷策略，便會令經濟進入第三階段，即Crashes。依家美國經濟已進入第二階段「Panics」。殊仔同貝南奇能否阻止衰退美國出現？已公布統計數字對佢兩個愈來愈不利。

貝南奇用機關槍射蒼蠅

　　如果貝南奇有智慧，便應2006年下半年繼續加息去阻止道指由2006年7月18日10683點上升到2007年10月11日14198點，即經濟歷史學家所講狂熱期出現。佢呢方面冇先見之明去阻止狂熱出現，到去年8月Panics出現，亦應該估計到呢次次按危機會進一步惡化，可惜佢連呢方面智慧都冇，任由道指去年11月形成熊市。今年1月22日則用機關槍去掃蒼蠅，急急召開視像會議、一口氣減息0.75厘，完全冇臨危不亂之風，貝南奇上任時更曾向女記者露口風。佢呢兩年大事糊塗、小事精明；到今天騰雞到連我老曹都嚇唔倒，更何況見慣風浪華爾街大鱷?!領袖必須運籌帷幄，決戰千里，有必要時，將軍要有叫自己兄弟去死性格才可。所謂仁者無敵只適合學校講，商場誰不你虞我詐，勝者為王、敗者為寇？

　　美國經濟相信今年將出現軟陸（即GDP一季負增長）；至於美股早2007年11月確認熊市，恐懼已戰勝貪念，市場由恐懼感統治，即後市有反彈無上升。至於港股仍係牛熊共舞，十五隻吊桶七上八落。

　　去年美國房屋價格及成交量皆回落，而去年第四季美國企業純利出現負增長，估計去年第四季GDP只升0.4％，不過消費信心仍強。

　　投資者漸漸明白減息係壞消息唔係好消息，各位心理上應作好準備，接受美國經濟軟陸（即一季GDP負增長）。恐怕類似2000至02年美股熊市又再出現，美股五年牛市於2007年10月正式結束。

　　有大量數據支持美股熊市去年11月已開始（至於美國經濟會否陷入衰退，又係另一回事）。事實上，只須一次經濟軟陸，已可令一個大熊市出現，令失業率上升及消費增長率放緩、企業純利出現回落。香港受美股影響而出現猛烈波動，今年欲推行一個成功股票投資策略極唔容易。我老曹同詹瑞文兄合演舞台劇曾教大家「拾、拾」，即70％現金、只留30％繼續投資（三七分），各位去年10月有冇咁做？

主權基金輸到唔清唔楚

　　呢次美國急急減息0.75厘，我老曹擔心係害大於利。作為trader，你可以fight the trend！投資者則有智慧不如趁勢，唔好同大趨勢作對。去年11月起我老曹已採用「paddle strategy」（以小博大），即我老曹過去強調細細注大大聲，例如可小量現金吸納期權或窩輪博賺取100％回報。Paddle策略係利用快艇裝上火箭炮去攻擊敵人航空母艦。如被自己打中，別人艦母沉沒；反之己方被敵方打中，損失只係一架快艇及數名士兵。如各位有興趣將作戰策略運用於自己投資上，3月份出版《論戰》應該你睇，保證較去年出版《論勢》更精彩。各位是否仲記得1997-98年場股市戰役點打？2000到03年場又點打？仲有1994、89、87、81及73-74年。著名投資家Jesse Livermore名句──There is only one side to the stock market. It is not the bull side or the bear side, but the right side !你係咪站right side度？有冇企錯邊？呢場風暴維持幾耐？我老曹木宰羊，只知風暴結束前仍有大量資金留避難所。

　　過去亞洲及中東政府主權基金係咪太早去party？例如中國政府及新加坡政府入股柏克萊銀行，該股股價至今再跌30％，係繼中國入股百仕通後另一太早入股例子；另外新加坡政府入股UBS，至今損失23％；阿布扎比投資局以75億美元去年11月認購花旗優先股，當日花旗股價29.8美元，今天24.83美元回落17％；科威特30億美元入股花旗、20億美元入股美林，至今亦有虧損。至於內地中信證券公司去年10月以10億美元入股貝爾斯登，至今貝爾斯登股價回落39％。連主權基金都輸到唔清唔楚，點解你可以唔輸？