2009年11月11日 星期三

2009-11-09

黃金慢牛反覆多

11月8日,周日。美國10月份失業率上升到10.2%,係二十六年內新高!房利美又須再注資,因虧損仍在擴大。10月23日恒指22620點拋離250天線16574點36.4%,今年3月9日恒指11344點亦低於250天線18949點40%。從呢點睇,恒生指數後市上升空間十分有限。今年至今股市最易賺錢時段係3月到7月,8月份至今雖然股市出現三個上升浪,但以個別發展為主。路已變成濕滑難行!花旗估計,明年底人民幣6.62兌1美元,升值4%,而美元滙價已進入反彈期;麥嘉華估計美元可上升10%;瑞銀估計美元利差交易到明年才達最高潮。各位應明白股市方向係由趨勢而非消息決定,至今為止美股由3月開始嘅上升軌仍未失守,後市應小心而非睇淡。金價已升到新高,相信濫發美元行為應有所收斂。請保持適量現金,以備日後所需,因標普五百指數上升軌已失守,標普零售股指數跌破50天移動平均線,道瓊斯交通平均指數亦跌破上升軌,仲有羅素二千細價股指數上升軌亦失守。

踏入2010年,今年以來嘅寬鬆貨幣政策將略為收緊,中國政府亦會略為收緊內地房地產政策而令內地樓價進入整固期,但並非回落期。

中國購金需求殷

廣州秋交會11月4日結束,成交額304.7億美元,較春交會上升16.2%(較去年秋交會少3.4%)。其中歐洲及美國較春交會落單多23%及21%,睇嚟明年中國出口進入穩定增長期,冇乜驚喜。

印度購入二百噸黃金後,令該國黃金儲備上升57%,即佔總儲備6%。中國政府仍未見有所行動,中國只有一千噸黃金,佔總儲備2%(美國所持黃金佔總儲備77%、法國70%、德國69%、意大利66%),即未來中國購金需求十分大。金價見1100美元,雖然長線仍然睇好,但未來金價只會反覆向上而非直線上升,小心獲利回吐出現。

畢非德以260億美元(其中40%係巴郡新股)及承擔100億美元負債,合共360億美元,購入伯靈頓北方股份,另減持穆廸公司股份。畢非德承認呢次收購有「賭博」成分在內,佢在賭未來煤會再次成為美國主要動力來源。上述消息公布後,伯靈頓股價升28%,上周收97.23美元(略低於收購價100美元);以100美元計,即以2010年估計P/E十八倍收購,以鐵路股而言P/E算幾高。第二次世界大戰結束後,隨着廉價能源時代出現,公路漸漸取代鐵路,令美國40%路軌被棄置不用。目前美國鐵路只運送全國43%物資,但以能源效益計,鐵路只消耗貨車三分一汽油便可運送相同物資;加上維修成本便宜,隨着高能源時代來臨,係咪鐵路股牛市嘅開始?

畢非德講過:在考慮投資時,悲觀係你嘅朋友,非理性亢奮係你嘅敵人。悲觀最多令人失去機會,但非理性亢奮却令人傾家蕩產。

今年1月至今,油價升110%、煤價上升90%、鐵礦石價升60%、白銀價升50%、金價升20%……從畢非德同印度銀行呢次投資策略睇,商品價仍可睇好?油價由去年7月145美元回落到12月嘅34美元,依家為76美元;銅價去年3月4.02美元一磅,年底見1.3美元,依家係3美元;大豆去年6月14.1美元,11月9.54美元,依家係11.8美元……。中國因素加上印度因素,令今年商品價上升,升勢能否一直伸展到明年?如果係嘅話,商品基金仍可考慮持有。

二十世初阿根廷係全球第七大富有國,1946年戰後(因阿根廷冇參戰)仍相當富有,但到咗1989年,隨着外債上升,政府因無力還錢只有印刷鈔票,因而引發惡性通脹。2009年3月起美國政府會否進入1989年阿根廷模式,即進入惡性通脹期,又或者是1990年起日本式衰退?駱駝的鼻子已伸入帳幕,如不及時阻止,總有一天駱駝會佔去整個帳幕而將主人踢走。美滙指數由今年3月4日89.62下跌到10月21日74.94,如反彈前跌幅50%可見82.28,即美元滙價有能力上升9.8%。目前三十年期美國債券息率已由4.93厘反彈到5.2厘,但2008/09年度(9月結)美國政府財赤數字高達14000億美元,相等於美國GDP 10%,係1945年以來最大嘅一年,造成美元滙價欲升乏力。

紐約大學教授魯賓尼擔心美元回升會令商品、股市(尤其新興市場)出現大跌,理由係過去八個月上述市場上升嘅理由係建基於美元弱勢,即使金價面對調整,但未來跌幅唔會大,因為中國政府仍在吸納中。中國外滙儲備已達23000億美元,其中70%係美元。中國已成美元最大揸家,正尋求美元以外嘅投資。

1933年美國總統羅斯福宣布以20.67美元一盎斯沒收美國私人藏金,然後在1934年1月宣布金價每盎斯35美元,再利用黃金升值所產生嘅利潤去支持佢嘅「新經濟政策」。到1971年,美國政府面對國際間擠提黃金而宣布金價升值到42美元,仍然阻止不了別國擠提。1971年8月15日美國政府宣布停止美元兌現黃金,從此美元再不能兌換黃金。三十八年後今天,1美元嘅購買力相等於1971年8月嘅18美仙;加上2008/09年財政年度美國政府支出29000億美元,但稅收只有16000億美元,財赤高達13000億美元,令美元購買力續降,亦代表金價長期而言睇好也。

明年美國或重陷衰退

黃金牛市第一期由2001年2月嘅253美元開始,上升到2008年3月1032美元後出現A、B、C調整浪。到2008年10月24日見682美元進入黃金牛市第二期(即慢牛期)。牛市二期黃金大方向係向上,但十分反覆。美國今年9月生產設施使用率只有70.9%,較長期平均數80%低;加上失業率接近10%,以及TIPS債券告訴我們:未來十年美國每年平均通脹率只有2%,以及唔排除2010年美國經濟又再次陷入衰退。相信由去年10月開始嘅金價表現只反映美元滙價回落,而非擔心CPI上升,即金價只能反覆向上而唔係急升。

去年11月中國刺激經濟方案令今年全球資源價格上升。今年銅價升幅超過一倍、金價上升20%、全球股市上升60%,以及大部分外幣皆跑贏美元滙價。好多人認為全球經濟復甦自今年第二季開始。事實上,只有中國等少數國家經濟才出現真正復甦,美國、歐洲同日本等國家只出現股市上升。中國自今年第二季起GDP增長率止跌回升,係因為去年11月起政府推出4萬億元人民幣刺激經濟方案,以及內地銀行增加16萬億元人民幣新貸款所帶動。2010年又點?肯定唔再係a rising tide lifts all boats。

去年12月美國銀行存款及money market基金共有現金88500億美元,今年10月只有34000億美元,代表今年內約有5萬億美元進入市場。高盛估計未來仍會進入市場嘅資金將少於6000億美元。GMO LLC主席Jeremy Grantham在今年3月準確估計股市大反彈出現,上周一則認為美股已超買25%。

如你在1929年投資標普五百,到1938年只獲利9%;反之,在1932年投資,則到1942年共獲利200%。由此可見時機幾咁重要。

上周所有中央銀行家都在問相同嘅問題:幾時退市?佢地唔想重犯2003及04年嘅相同錯誤(因太遲退市而引發2007年另一泡沫),但又擔心陷入九十年代日式衰退困局。今年10月美國空置房屋達一千八百八十萬間,佔總數14.4%。目前美國共有一億三千三十萬間房子,住咗三億零一百萬人,即平均每間房屋內只有二點三人,可見美國房屋已嚴重超建。擔心2007年美國樓市泡沫爆破後,將有一段很長日子無法回升。今年10月新建房屋合約較2006年1月少74%;反之,1981年嗰次樓價回落後只減少46%,1986年同91年樓價回落後亦只減少60%。咁代表今次樓價回落期應較以上三次長。

炒股不炒市時代結束?

去年投資者因擔心衰退將來臨,估計有過萬億美元的股票被拋售,將資金投放在債券、黃金及石油合約上。當今年3月美國政府批出量化寬鬆政策後,投資者又怕錯過機會,一窩蜂重返股票市場,形成今年3月到10月股市狂升。當道指回升54%後,人們又在問:後市可再上升多少?美國十年期債券經過今年拋售後,孳息率已由2.4厘升上3.4厘(跌幅達42%),形成資金又再回流債市。去年11月VIX一度接近80(代表投資者極度恐慌),今年10月又再見20(代表投資者太樂觀)。道指由今年3月6日6469點上升到10月21日10119點,共上升54%。此趨勢能否一直伸延到明年?11月初VIX回升,係咪代表今年8月開始「炒股不炒市」時代結束?

自10月份美國按揭利率重返5厘之上後,申請樓按人數大減。一、未來一年約有七百萬間住宅面臨被接管命運。二、自2007年10月至今,美國新增失業人口已達七百二十萬人,估計未來六個月再增加七十五萬人。今年10月份美國失業率係二十六年新高。在一千四百五十萬失業大軍中,有六百六十萬人欲搵工作但搵唔到,年底約一百四十萬失業者因長期失業而冇咗領取失業救濟資格,未來六個月人數更達四百萬人,而失業率在2010年甚至2011年仍無法改善。三、美國人消費佔美國GDP 70%以上,展望明年美國人消費力無法回升,因為到今年底止美國消費者共失去4萬億美元信貸。藉住樓價上升而令美國人每年消費力上升嘅情況,自2008年年中起停止。美國住宅樓價已由2006年高峰回落三分一,美國各大信用卡公司自2008年7月高峰至今已削減美國人信用額1188億美元。四、美國企業在今年第三季純利大升係來自削減開支,上述做法將延續到明年,代表今年第三季純利上升並唔係來自營業額上升。五、今年3月美國政府推出量化寬鬆政策,明年又點?六、今年10月VIX指數已回落到20,代表投資者已唔再恐慌,反而變得貪心。七、美元滙價今年3月起大幅回落,未來下跌空間十分有限。美元已成為利差交易對象,雖然如此,但至今美滙指數最低係74.94,仍較2008年3月17日70.69高,因此小心美元滙價出現短期反彈,情況有如2008年3月到09年3月。八、西方國家進入減債期,情況同九十年代日本相似。九、石油產量在明年見頂,估計係九千二百萬桶一天,然後漸漸回落到2014年嘅八千九百萬桶、2020年嘅八千四百萬桶、2030年嘅七千八百萬桶,代表廉價石油時代一去不返,亦代表全球GDP高增長率時代一去不返。中國石油需求則按年上升,估計到2018年超過美國,成為全球最大用油國。上述因素令油價未來十年唔再有可能大跌;如無意外,去年12月油價每桶33美元應該係另一低價,在可見將來已無法重見。

經濟V形反彈願望料落空

道指重返10000點後,已收回前跌幅50%,未來進一步上升有困難。過去八個月我地利用復蘇概念去榨取所有利潤。美國第三季GDP上升3.5%(3.5%GDP代表增加了1120億美元,同期透過刺激方案政府注資1730億美元,即每注資1美元只產生65美仙GDP)。例如摩根大通呢類金融機構在2008年第三季仍須政府挽救,今年第三季卻獲利36億美元。就係呢D金融機構嘅純利支持道指上升。雖然今年美國資產價格又再回升,但債王格羅斯認為,上述情況係透過將國庫券息率降至0.15%、兩年期債券息率低於1厘所造成。唔少投資者期望經濟V形反彈,恐怕願望將落空。今年第三季美國GDP上升3.5%相信只係技術反彈,只係投資者在2008年失去1蚊後在2009年收番5毫子而已。美國人開始明白到供樓平過租樓,背後係承擔可能變成負資產嘅風險。

請記住,趨勢係你最好朋友,直到它完結為止。我地唔應該猜測趨勢何時結束,但提高警覺係有需要之至也

9 則留言:

  1. The trend is based on the assumptions of past historical data. But the future cannot be predicted.

    Stepping 2009, we enter a new era of economic world. Review the past record can be misleading.

    Test the curse of Dow 10,000 now.

    David

    回覆刪除
  2. Chao is very good in historical figures and has a good storage system for all these numbers. Based on these numbers, you are not dare to go into the market. This sometimes is contradict to Chao's go with the flow theory. You are too scare to go with
    the flow and miss the opportunity.Chao has show where he stands and how he wants to do in the market. Too many numbers make people (readers and or followers)confused and perplexed!

    Dudeman

    回覆刪除
  3. Dudeman

    The newspaper (HK Economic Journal) has a whole research team to provide Chao with all the numbers he ever need! Use your brain.

    回覆刪除
  4. 美元會係今個星期見2009年的全年低位.之後,轉勢開始.

    from: www.myblog.yahoo.com/stable-reliable

    回覆刪除
  5. What a "悲觀最多令人失去機會,但非理性亢奮却令人傾家蕩產" statement has made so many of Chao's fans lost good chances of gaining wealth in the past year.
    Chao has been selective in using the available data to justify his pessimistic view on the world economy. It seems that he will keep on writing his diary and maintain his view until the world economy falls again. By then, he will claim victory! The victims will be his loyal fans! -- losing so many chances of investment opportunities!
    On the other hand, as at this stage, Chao may have a good chance to win soon.

    回覆刪除
  6. Many people believe that the historical data can help us to understand the market. Yes, only on lesson learnt. The cycle is a myth. The trend cannot be predicted. Theory is changing because the market is not 100% free and capital market now.

    Can we start a new economic model in 2009? Then all past records passed away.

    See Dow can hold above 10,000 this week.

    David

    回覆刪除
  7. 曹仁超成日睇淡,我印象中佢好似由2003年一直睇淡到而家,跟佢做投資決定實死!?

    回覆刪除
  8. Test Dow 10,500 this week

    David

    回覆刪除
  9. 哈嚕~你好!!
    來你家坐坐~我在這裡建立一個部落格
    有空來我家幫我衝人氣^^

    回覆刪除